Yoannes 5:24 - Ashiri Aeuitaknup Iyohaichish Yona 1897

²⁴ Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 5:24 ပူးပေါင်းရင်းမြစ်များ

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Markos 16:16

Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Yoannes 11:26

samata, nen ne yakka ishu wa En eishokoro guru anak ne hembara pakno ne yakka rai shomoki ruwe ne.

Yoannes 12:44

Orowa, Yesu hawe ashte wa ene itak-hi :— En eishokoro gurʼanak ne En eishokoro shomoki, koroka, En omandep eishokon ruwe ne.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Yoannes 3:18

Shinuma eishokoro guru anak ne shomo akoipishi ruwe ne, shomo Shinuma eishokoro guru anak akoipishi okere nisa ruwe ne, Kamui shinen ne Poho reihei eishokoro shomoki nisa ruwe ne gusu ne na.

Yoannes 3:36

Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Yoannes 6:47

Son no son no echi otta Ku ye :— Eishokoro gurʼanak ne ramma okere shomoki inotu koro shiri an na.

Yoannes 6:50

Tan aep anak ne ainu ibe wa shomo rai kuni kando orowa no ran aep ne ruwe ne.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Yoannes 6:58

Tambe anak ne kando orowa no ran aep ne; ekashi utara ibe wa rai wa isam nei no an ambe shomo ne: tan aep ibe gurʼanak ne ramma pakno ishu kusu ne na.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Yoannes 3:14

Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.

I Yoannes 5:1

Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.