Yoannes 5:22 - Ashiri Aeuitaknup Iyohaichish Yona 1897

²² Michi anak ne nen ne yakka koipishi shomoki, koroka, obitta no okai koipishi mondum Poho otta kore nisa ruwe ne;

Yoannes 5:22 ပူးပေါင်းရင်းမြစ်များ

Iyohaichish 96:13

Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.

Iyohaichish 98:9

Shinuma anak ne ek wa moshirʼun utara koipishi, Oupeka no moshiri newa utara kane koipishi kusu ne gusu ne na.

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 28:18

Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 3:35

Michi anak ne Poho omap wa nep ne yakka obitta koro teke orota omare nisa ruwe ne.

Yoannes 5:27

samata, Shinuma anak ne Poho otta koipishi ki kuni mondum kore nisa ruwe ne, Shinuma anak Ainu Poho ne ruwe ne gusu ne na.

Yoannes 9:39

Aige, Yesu ene itak-hi :— Nukara shomoki utara ingara, nukara wa okai utara shiknak ne kuni ne, koipishi ki gusu tan moshirʼotta Ku ek nisa ruwe ne, ari itak.

Apostoro ikip oma kambi 10:42

Orowa, tan guru anak ne rai guru hene shiknu guru hene koipishi kuni gusu Kamui orowa no aesanniyo guru ne sekoro paweteshu chi ki hine utara otta eupaskuma ki kuni ne un kashpaotte nisa ruwe ne.

Apostoro ikip oma kambi 17:31

Shinuma anak esanniyo okere ainu ani oupeka no ingi moshiri uirup koipishi kuni toho atte nisa ruwe ne gusu ne na; aige, Shinuma anak ne nei guru rai i orowa no hetopo-shiknure-hi ani an ambe ani obitta no okai utara gusu nei arabe sonnere nisa ruwe ne na.

Roma 2:16

tusare hene ki ruwe ne; nei ambe Yesu Kiristo ani, ku koro pirika shongo an korachi, Kamui anak utara aenuinap koipishi toho ta an na.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

I Petros 4:5

nei utara anak ne shiknu guru kene rai guru kene koipiski gusu skipini wa an Kamui otta yaieoruskpe nu yara kusu ne na.