Yoannes 5:19 - Ashiri Aeuitaknup Iyohaichish Yona 1897

¹⁹ Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.

Yoannes 5:19 ပူးပေါင်းရင်းမြစ်များ

Iyohaichish 138:3

E konishuk toho ta Aokai en koese, Ku keutum E tumashnure wa en omaoma nisa ruwe ne.

Iyohaichish 27:14

Ehoba gusu chipachipa Tumashnu no okai, orowa, Shinuma e koro keutum rametokte kusu ne, Ruwe un, Ehoba echipachipa yan.

Iyohaichish 50:6

Orowa, kando anak ne Shinuma koro oupeka ambe assuru ashte, Kamui yaikata anak koipishi ki Kamui ne ruwe ne gusu ne na. [Sera.]

Mattaios 26:39

Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

Yoannes 10:18

En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

Yoannes 12:49

Inambe gusu ne yakun, Kuani yaikota orowa no Ku ye shomoki; koroka, En omande Michi anak Ku ye kuni orushpe, Ku sange kuni itak, En ikashpaotte nisa ruwe ne.

Yoannes 12:50

Orowa, Shinuma ki ikashpaotte anak ne ramma okere shomoki ishu ambe ne sekoro Ku eraman: tambe gusu, orushpe Ku ye-hi anak Ku goro Michi En nure korachi nei ambe Ku ye ruwe ne.

Yoannes 14:10

Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Yoannes 2:19

Orota Yesu ese wa ene itak-hi: Tan ashkanne ushike horakte, yak anak ne rere ko ta Ku ashi kusu ne, ari itak.

Yoannes 3:3

Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Yoannes 8:28

Tambe gusu, Yesu ene itak-hi :— Echi utara anak ne Ainu Poho rikoshma okere chiki, nei ita anak Kuani Shinuma ne ruwe ne sekoro echi eraman, samata, Kuani anak ne yaikota regaine nep ne yakka Ku ki shomoki, koroka, Michi En epakashnu korachi Ku ye ruwe ne, ani echi eraman kusu ne na.

Yoannes 9:4

Tokap-to an ita anak ne En omandep koro ikip chi ki kusu ne ap: nen ne yakka nep ki eaikap kunne-to ek kusu ne na.

Apostoro ikip oma kambi 2:24

wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.

Roma 6:4

Tambe gusu, chi utara anak ne baptisma gusu rai-hi otta Shinuma tura no aomare; Kiristo anak ne Michi nupeki gusu rai orowa no hotopo-a-shiknure korachi, chi utara ne yakka ashiri inotu oma wa apkash kuni gusu ne na.

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

I Korintos 15:12

Aige, Kiristo anak ne rai orowa no hetopo-ashiknure okere ari an ambe aeupaskuma chiki, nekon a echi tumugeta an sereke utara anak ne rai orowa no hetopo-shiknu ambe isam ari itak ya?

II Korintos 4:14

Utarapa ne Yesu hetopo-shiknurep anak ne Yesu tura un hetopo-shiknure poka ki hine echi tura no un yange kushki ambe chi eraman shiriki okai ruwe ne.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Epesos 3:16

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Piripoi 3:21

Shinuma anak ne ani obitta no okaibe yaikota otta itaknure eashkai iki-hi nei no an no chikoro aeoripakka an netobake ashinno kara hine koro nupeki an netobake korachi kara kusu ne na.

Piripoi 4:13

ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Korosai 1:16

moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, nrondum korope hene ne yakka obitta Shinuma otta akan nisa ruwe ne;

I Tessaronike 4:14

Inambe gusu ne yakun, Yesu rai wa hetopo-shiknu sekorʼambe chi eishokoro yakun, nei no korachi Yesu ankushkerai mokonnoye utara anak Shinuma tura Kamui ani wa ek kusu ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.