Yoannes 4:9 - Ashiri Aeuitaknup Iyohaichish Yona 1897

⁹ Nei Samaria un shiwentep anak ne tambe gusu Shinuma otta ene itak-hi :— Hemanda gusu Eani anak ne Yudea un guru E ne wa Samaria un shiwentep en otta wakka koramkoro ya? (Inambe gusu ne yakun, Yudea un utara anak ne Samaria un utara kopahaunu shomoki ruwe ne.)

Yoannes 4:9 ပူးပေါင်းရင်းမြစ်များ

Mattaios 10:5

Yesu anak ne tan tun ikashima wa niu payere hine kashpaotte wa ene itak-hi :—

Roukos 10:33

Koroka, Samaria kotan un guru shinen payekai hine nei guru an ushiketa ek; awa, shinuma nukara chiki erampokiwen wa kore,

Yoannes 4:27

Tata otta koro koikara utara araki; awa, Shinuma shiwentep tura ko-itak an shiri enushkari nisa ruwe ne; yakka :— Hemanda e hunara ya hene, nep gusu nei shiwentep tura ko-itak ya hene, ye guru isam ruwe ne.

Yoannes 8:48

Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 10:28

Yudea un guru anak ne moshima okai uirup orun ahun hene ki, otta yaikotukka hene ki kuni ambe anak ne tuitak otereke ambe ne sekoro echi utara yaikota echi eraman ruwe ne; orowa, inan guru ne yakka usep ne hene turu-ushbe ne hene iteki ku ye kuni Kamui en epakashnu nisa ruwe ne:

Apostoro ikip oma kambi 10:32

Tambe gusu, Yoppa kotan ta teshkara wa Petros ari an reihei koro Simon hotuyekara yan; shinuma anak ne atui-samta an kepuru kara Simon kot chisei ta reushi korʼan, sekoro itak.