Yoannes 4:38 - Ashiri Aeuitaknup Iyohaichish Yona 1897

³⁸ Otta shomo echi monraige ushike echi nange kuni gusu echi payere ash: moshima okai utara monraige, awa, nei moni otta echi ahup nisa ruwe ne.

Yoannes 4:38 ပူးပေါင်းရင်းမြစ်များ

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Yoannes 1:7

Nei guru paweteshu-i gusu ek, utara obitta shinuma gusu aeishokoro kuni ne nei pekere gusu paweteshu ki nisa ruwe ne na.

Yoannes 17:18

Aokai anak ne moshiri otta En omande korachi, Kuani nei utara ne yakka moshiri otta Ku payere ruwe ne.

Yoannes 4:37

Shinen etoita shinen nange sekorʼan itak tambe gusu son no ambe ne.

Yoannes 4:39

Orowa, nei machiya orowa no inne Samaria un utara anak ne :— Nep ne yakka ku iki ambe obitta Shinuma en nure, sekoro paweteshu ki shiwentep ye itak gusu eishokon nisa ruwe ne na.

Apostoro ikip oma kambi 2:41

Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Apostoro ikip oma kambi 4:4

Koroka, nei itak nu inne utara eishokon nisa; nei ainu utara pishki-hi anak ne go sen nin ne ainu ukorachi ne ruwe ne.

Apostoro ikip oma kambi 5:14

utara anak ne nei utara pasere; orowa, naa naa eishokoro ki utara, inne no okai ainu ne yakka shiwentep ne yakka Utarapa otta ako-okaire nisa ruwe ne;

Apostoro ikip oma kambi 6:7

Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.

II Korintos 10:15

moshima utara iki ikip gusu eetasa poron no yaiomonnure shomoki; koroka, echi eishokor-i attep shukup korachi, chi utara ikichi ikiri nei no naa nuye an no an ambe hetukure, gusu echi tumta a un porore kuni chipachipa ash ruwe ne;