Yoannes 4:34 - Ashiri Aeuitaknup Iyohaichish Yona 1897

³⁴ Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne.

Yoannes 4:34 ပူးပေါင်းရင်းမြစ်များ

Iyohaichish 40:8

Aa ku goro Kamui, E korʼirenga ku ki kuni ku konoburu na; Ruwe ne wa, E koro tuitak anak ne ku keutum ta an ruwe ne.

Mattaios 26:39

Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.

Mattaios 3:15

Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne.

Mattaios 9:19

Orowa, Yesu hopuni wa koikara utara tura no nei guru osh oman ruwe ne.

Roukos 15:10

Tap korachi echi otta Ku ye, chikokatpak an shine guru yaikokatpak chiki Kamui uitekbe kotchaketa nupetne ambe an ruwe ne na.

Roukos 19:10

Inambe gusu ne yakun, Ainu Poho anak ne aturainu wa okai utara hunara wa kashiobiuki kuni gusu ek nisa ruwe ne gusu ne na.

Roukos 2:49

Nei utara otta Shinuma ene itak-hi: Nep gusu echi En hunara ruwe he an? Ku Michihi kora kenru ta Ku an kuni gusu ne ap sekorʼambe echi erampeutek a? ani itak.

Yoannes 17:4

Ku ki kuni Aokai En kore ikip Ku kara okere gusu moshiri kata E oripak ash nisa ruwe ne.

Yoannes 19:28

Tap okaketa, tane nep ne yakka aokere sekoro Yesu eraman wa, Kamui nuyere itak auweoma kuni gusu, — Ku iku rusui, ani an itak ani itak nisa ruwe ne.

Yoannes 19:30

Tambe gusu, Yesu nei shukkakep uk okere chiki, — Aokere na, ani itak; orowa, sapaha hepokiki wa kon ramat arapare nisa ruwe ne.

Yoannes 4:32

Rabbi, ibe yan, ari itak. Koroka, orota Shinuma ene itak-hi :— Echi eramushkare no an e kuni aep Ku goro, ari itak.

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 5:36

Koroka, Ku goro paweteshu-i anak ne Yoannes kasu no pase ne: inambe gusu ne yakun, Kuani Ku kara okere kuni gusu En otta Ku Michi koropare ikip anak ne, tap Ku ki ikip anak, Michi En omande ruwe ne sekoro En gusu paweteshu ki ruwe ne gusu ne na.

Yoannes 6:33

Inambe gusu ne yakun, Kamui aep anak ne Kando wano ran wa moshiri otta inotu kore ambe ne ruwe ne gusu ne na, sekoro itak.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Yoannes 8:29

Orowa, En omandep anak ne En tura no an; Shinuma En yaiande shomoki; hembara ne yakka Shinuma nupetnerep Ku ki gusu ne na, ari itak.

Apostoro ikip oma kambi 20:35

Nep ne yakka gusu kuani echi epakashnu nisa; nei no echi monraige wa turasak utara kaobiuki kunip echi ne, orowa, Utarapa ne Yesu Shinuma yaikota ye itak ahupkara kasu no kore katu anak naa anunuke ambe ne ruwe ne, sekorʼan ambe echi eshkarun kunip ne ruwe ne.

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.