Yoannes 4:31 - Ashiri Aeuitaknup Iyohaichish Yona 1897

³¹ Nei rapoketa Shinuma koikara utara onishnishi wa ene itak-hi :—

Yoannes 4:31 ပူးပေါင်းရင်းမြစ်များ

Mattaios 23:7

Kamui kora kenru sapane set hemhem, iraugetupa ushita ako-ongami-i hemhem, utara orowa no Rabbi ani aye-i hemhem, konoburu ruwe ne gusu ne na.

Mattaios 23:8

Koroka, echi utara anak ne iteki Rabbi ani aye yan: inambe gusu ne yakun, echi koro epakashnu guru anak ne shinen ne, aige, echi utara obitta uiriwak ne ruwe ne.

Mattaios 26:25

Orowa, Shinuma ekoshi Yudas anak ne ese wa ene itak-hi :— Rabbi, kuani ne ruwe he an? Otta Shinuma ene itak-hi :— E ye okere ruwe ne, ari itak.

Mattaios 26:49

Orowa, nani nei guru Yesu otta ek wa ene itak-hi :— Rabbi he, irangarapte; orowa, Shinuma chopchopsekan nisa ruwe ne.

Markos 11:21

Petros nei chikuni gusu an orushpe eshkarun wa Shinuma orota ene itak-hi :— Rabbi, ingarʼan, Aokai oitakushi ichijiku chikuni shumumge okere ruwe ne, sekoro itak.

Markos 14:45

Orowa, nei guru ek chiki nani Shinuma otta arapa hine, ene itak-hi :— Rabbi he! Aige, chopchopsekan nisa ruwe ne.

Markos 9:5

Tata otta Petros ese wa Yesu otta ene itak-hi :— Babbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu,

Yoannes 1:38

Orowa, Yesu hosari wa nei utara osh araki shiri nukara wa orota ene itak-hi :— Hemanda echi hunara ya? Orota nei utara ene itak-hi :— Rabbi (tan itak iporose an katu “epakashnu guru” ani an iporose ne), neita Aokai oshiroma ruwe he an?

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 11:8

Orota koikara utara ene itak-hi :— Rabbi, tap nahun Yudea un utara E shuma kopiyekara rusui, awa, shui nei orota E oman a?

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 3:26

Aige, nei utara Yoannes orota araki wa ene itak-hi :— Rabbi, gusu aokai paweteshu Yorodan pet kushta an guru anak ne baptisma kore korʼan wa utara obitta Shinuma otta paye ruwe ne, ari itak.

Yoannes 4:30

Orowa, utara machiya wa soyumba hine Shinuma orun araki shiri okai.

Yoannes 4:32

Rabbi, ibe yan, ari itak. Koroka, orota Shinuma ene itak-hi :— Echi eramushkare no an e kuni aep Ku goro, ari itak.

Yoannes 6:25

Orowa, atui ikushketa Shinuma an shiri nei utara nukara chiki, orota ene itak-hi :— Rabbi hembara ta teda E ek ruwe?

Yoannes 9:2

Awa, Shinuma otta koikara utara nu wa ene itak-hi :— Rabbi, tan guru shiknak wa hekatu gusu shinuma yaikota hene, koro eshikop hene, inan guru katpak ki ya?