Yoannes 3:5 - Ashiri Aeuitaknup Iyohaichish Yona 1897

⁵ Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Yoannes 3:5 ပူးပေါင်းရင်းမြစ်များ

Mattaios 18:3

Son no echi otta Ku ye, echi utara hosari wa pon utara okai-i korachi ne shomoki yak anak ne, oara Kando moshiri ahup eaikap kusu ne.

Mattaios 19:24

Shui echi otta Ku ye, ikoro koro guru Kamui moshirʼotta ahun ambe kasu no rakuda chikoikip kem-pui oboso wa oman-i anak ne naa isaika ruwe ne.

Mattaios 21:31

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Mattaios 28:19

Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:

Mattaios 3:11

Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Mattaios 5:20

Echi koro oupeka-i anak ne Parisee un utara hene kambi nuye utara hene koro oupeka ambe eakkari shomoki chiki kando moshiri orun oara echi ahup eaikap ruwe ne sekoro echi otta Ku ye ruwe ne gusu ne na.

Markos 10:14

koikara utara kopao nisa ruwe ne. Koroka, Yesu nei ambe nukara chiki irushka hine orota ene itak-hi :— Nokan utara En otta araki kuni ambe ramuoshma; iteki hattoki yan: Kamui moshirʼumbe anak ne nei no okaibe ne ruwe ne gusu ne na.

Markos 16:16

Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Markos 9:47

Orowa, e shikihi e epetchiure yakun, oashinge yan; tu shikihi koro wa Gehenna otta aeyapkiri kasu no, shine shik koro wa Kamui moshiri orun ahun katu eani gusu naa pirika ruwe ne gusu ne na;

Roukos 13:24

Orowa, utara otta Shinuma ene itak-hi :— Hutne apa otta ahup kuni etushmak yan: inambe gusu ne yakun, echi otta Ku ye, inne utara ahup kuni hunara kusu ne, koroka, ahup eaikap.

Roukos 13:3

Shomo, echi otta Ku ye: koroka, echi utara yaikokatpak shomoki yak anak ne, obitta nei no korachi aisamka kusu ne na.

Roukos 13:5

Shomo, echi otta Ku ye: koroka, echi utara yaikokatpak shomoki yak anak ne, obitta nei no korachi aisamka kusu ne na.

Yoannes 1:13

Nei utara anak ne kem utari gusu ahekatpa shomo ne, kam irenga gusu hekatu shomo ne, ainu irenga gusu hekatu shomo ne, koroka, Kamui orowa no ahekatparep ne ruwe ne.

Yoannes 3:3

Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.

Yoannes 3:4

Nikodemos Shinuma orota ene itak-hi :— Ainu onne ko nekon a iki wa hekatu eashkai ya? Tu shui koro habo honihi oshike un ahun wa hekatu eashkai ya? sekoro itak.

Apostoro ikip oma kambi 2:38

a chi ki yak pirika ya? — ari itak. Orota Petros ene itak-hi :— Yaikokatpak yan, orowa, koro katpak atusare gusu pishno pishno Yesu Kiristo kon reihei otta baptisma uina yan; yak anak ne Ashkanne Ramat ari an korarabe akore kusu ne na.

Apostoro ikip oma kambi 3:19

Tambe gusu, echi koro katpak aushka kuni ne, yaikokatpak wa hoshippa yan, tambe anak Utarapa tek-sam wano sambe-shiturire pakihi an kusu ne kuni ambe ne;

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

I Korintos 15:50

Iriwak utara, tambe ku ye :— Kam newa kem anak ne Kamui moshiri eikeshkoro eaikap ruwe ne; samata, munin kunip anak ne shomo muninbe eikeshkoro shomoki ruwe ne.

I Korintos 2:12

Koroka, chi utara anak ne moshiri kon ramat shomo uina, koroka, Kamui orowa no an ramat a un kore an; nei ambe anak Kamui orowa no a un eungeraite ambe chi eraman kuni gusu ne na.

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Garatea 6:15

Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

I Yoannes 2:29

Orowa, Shinuma oupeka ambe ne sekoro echi eraman chiki, nen ne yakka oupekap ki guru anak ne Shinuma orowa no hetu-kurep poka onnere yan.

I Yoannes 5:1

Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.