Yoannes 3:36 - Ashiri Aeuitaknup Iyohaichish Yona 1897

³⁶ Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 3:36 ပူးပေါင်းရင်းမြစ်များ

Iyohaichish 2:12

Poho irushka wa ru otta iteki echi isamka kuni ne Shinuma chopchopsekara yan, Inambe gusu ne yakun, tunashino Shinuma irushka kusu ne. Nen ne yakka Shinuma gusu eyaikopashte gurʼ anak ne anunuke ne ruwe ne na.

Iyohaichish 36:9

Inambe gusu ne yakun, E otta inotu motoho an ruwe ne: E koro nupeki gusu nupeki chi nukarʼash kusu ne na.

Iyohaichish 49:19

Te wa no shui shiripekere shomo nukara, Koro ekashi ikiri orota ek kusu ne na.

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Markos 16:16

Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Roukos 3:6

Orowa, utara obitta Kamui kashiobiuki-i nukara kusu ne na.

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 3:3

Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:58

Tambe anak ne kando orowa no ran aep ne; ekashi utara ibe wa rai wa isam nei no an ambe shomo ne: tan aep ibe gurʼanak ne ramma pakno ishu kusu ne na.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Apostoro ikip oma kambi 14:2

Koroka, itakkashi okai Yudea un utara anak ne Oya uirup sarabe chiukopoye wa nei iriwak orun wen no iki re nisa ruwe ne.

Roma 4:15

Inambe gusu ne yakun, tuitak anak ne irushka ambe iki; koroka, tuitak isam ushiketa ohaita

Roma 5:9

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

Garatea 3:10

tuitak ikip gusu iki utara anak ne obitta aiyoitakushi ambe choropoketa okai: tuitak kashiketa chieshinnuye wa an obitta no okaibe ki kuni ne, shomo nei okaibe otta obitta no okai utara anak pishno pishno aiyoitakushi an — sekoro anuye wa an ruwe ne gusu ne na.

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

I Tessaronike 1:10

Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

Hebraios 10:29

awa, Kamui Poho ekema-pok-otereke hemhem ki, orowa, ani aashkannere aeuitaknu kemihi use ambe ne ari yainu hemhem ki, orowa, irenga an Ramat gusu shomo eyaikatanu hemhem ki utara anak ne, hemanda naa yupke no apanakte kunip ne sekoro echi ramu ya?

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Hebraios 3:18

Orowa, hunna epeka no koro shini-i otta ahup shomoki kusu ne sekoro shinuma shiyuppa no ye ya? Itakkashi utara epeka gusu shomo ne ruwe he an?

Hebraios 3:19

Nei utara anak ne eishokor-i sakbe ne wa gusu otta ahup eaikap ne sekoro chi nukara ash ruwe ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.