Yoannes 3:33 - Ashiri Aeuitaknup Iyohaichish Yona 1897

³³ Nei paweteshu ambe nu guru anak ne Kamui anak sonep ne ani an ambe otta koro han omare nisa ruwe ne.

Yoannes 3:33 ပူးပေါင်းရင်းမြစ်များ

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Yoannes 8:26

Echi utara gusu Ku ye hemhem ki, koipishi hemhem ki kuni inne ambe okai: koroka, En omandep anak ne sonep ne; orowa, Shinuma otta Ku nu okaibe moshiri otta Ku nure ruwe ne, ari itak.

Roma 15:28

Tambe gusu, nei okaibe ku ki okere hine tapan ibehe nei utara orun han aomare kuni aeramushinne chiki, echi utara koro kotan akush wa Spania orun ku arapa kusu ne.

Roma 4:11

orowa, shinuma anak ne okarituye-buri an shirosh koro, nei ambe anak ne shinuma naa shomo okarituye-buri akire etokota okai koro eishokor-i gusu an oupeka ne kuni han aomarep ne ruwe ne: tambe anak shinuma obitta no okai eishokoro utara koro michi ne kuni gusu an ambe ne; shui, nei utara okarituye-buri akire shomoki yakka, otta oupeka ambe aesanniyo kuni gusu an ambe ne ruwe ne;

I Korintos 9:2

Moshima okai utara epeka apostoro shomo ku ne a yakka, echi utara gusu poka nei no ku an ruwe ne: samata, Utarapa oshiketa ku ki Apostoro kunip gusu an han echi ne ruwe ne.

II Korintos 1:18

Koroka, Kamui anak ne sonep ne gusu echi orun chi ye itak anak ne, “ruwe un,” newa “shomo,” ari an itak ambe shomo ne ruwe ne.

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

Hebraios 6:17

Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

I Yoannes 1:10

Shomo katpak chi ki na sekoro chi ye chiki, Shinuma shungere ruwe ne, orowa, Shinuma korʼitak un oshiketa isam ruwe tapan na.