Yoannes 3:29 - Ashiri Aeuitaknup Iyohaichish Yona 1897

²⁹ Tane machi ne kusu ne shiwentep koro ainu auak mat-ahupkara guru ne; koroka mat-ahupkara guru koro ikatairotke utara okai wa nei mat-ahupkara guru hawe nu gusu shi no yaikopuntek ruwe ne: tambe gusu, ku yaikopuntek ambe anak ne auweomare no an ruwe ne.

Yoannes 3:29 ပူးပေါင်းရင်းမြစ်များ

Mattaios 22:2

Kando moshiri anak ne

Mattaios 25:1

Kando moshiri anak ne ratchako koro wa shine mat-ahupkara guru ekanok gusu paye wa niu ne hoku-sak shiwentep utara koheraye ruwe ne.

Mattaios 9:15

Orowa, Yesu nei utara otta ene itak-hi :— Tane matakore guru an rapoketa, nei marapto gusu an utara anak ne yaituwashkarap eashkai ruwe he an? Okaketa tane matakore guru auk toho ek kusu ne, nei ita shomo ramnu ki kusu ne na.

Roukos 15:6

Orowa, uni un ek koro, nimaraha newa aun utara uwekarire wa orota ene itak-hi :— En tura no yaikopuntek wa en kore, aturainu ku hitsuji chikoikip apa nisa ruwe ne gusu ne na, sekoro itak.

Yoannes 15:11

Ku ki yaikopuntek-i anak ne echi oshiketa an wa echi ki yaikopuntek-i auweomare kuni gusu tap okaibe echi orun Ku ye nisa ruwe ne.

Yoannes 16:24

Tane pakno Ku reihei rengap gusu nep ne yakka echi koramkoro shomoki: koramkoro yan, orowa, echi yaikopuntek-i auweoma kuni gusu echi akore kusu ne na.

Yoannes 17:13

Koroka, tane anak ne E orun Ku ek; aige, nei utara otta Ku yaikopuntek-i auweomare kuni gusu tap okaibe moshiri otta Ku ye.

Yoannes 3:30

Shinuma anak ne aeporore kusu ne, kuani anak aeponde kusu ne ruwe ne.

II Korintos 11:2

Kamui san ikoitupa ambe ani echi utara gusu ku ikoitupa ruwe ne: inambe gusu ne yakun, shine hoku ne guru otta kuani echi kore okere, turu-sak-mat nei no Kiristo otta kuani echi yange ash kuni gusu ne na.

Piripoi 2:2

shine omap ambe kishima, Shine keutum koro, shineatki no ramuoshma wa en nupetnere wa en eramushinnere yan;

I Yoannes 1:4

orowa, tap okaibe chi nuye ikkewehe anak ne echi utara anupetnere ambe aeshik kuni gusu ne ruwe ne na.

II Yoannes 1:12

Aokai gusu ku nuye kuni inne okaibe an koroka, kambi newa sumi ani shomo ku ki na: shui, poron no eani nupetne kuni gusu e orun ku arapa wa uwenitomom no ku ye kuni ku chipachipa ruwe ne.

Ekambakbe 21:9

Orowa, iyotta okake an nei arawan shirikikbe o arawan domburi koro hauturumbe un shinen anak ne en orun ek wa ukoitak hine ene itak-hi :— Eteun ek yan, yakun, nei Pon-hitsuji koro machi ne a akore kuni shiwentep e nukare ash kusu ne, ari itak. Aige,