Yoannes 20:15 - Ashiri Aeuitaknup Iyohaichish Yona 1897

¹⁵ Orota Yesu ene itakhi :— Shiwentep, nep gusu e chish ruwe he an? Inan guru e hunara ruwe? ari itak. Nei guru anak ne toi kara guru ne kuni shinuma yainu koro, orota ene itak-hi :— Nishpa, te wano Aokai anak ne Shinuma ani wa oman yak anak ne, neita aande ushike en nure wa en kore, orowa Kuani Shinuma ani wa oman kusu ne na, ari itak.

Yoannes 20:15 ပူးပေါင်းရင်းမြစ်များ

Mattaios 12:34

Paskuru okokko koro san tek utara, echi wen wa gusu nekon a echi iki wa pirikap ye eashkai ya? Keutura oshiketa nuye an no an-i wano paroho itak sange ruwe ne gusu ne na.

Mattaios 28:5

Kamui uitekbe ese wa nei shiwentep utara otta ene itak-hi :— Iteki ishitoma yan: echi utara utasa chikuni otta araige Yesu hunara wa echi okai wa ku eraman ruwe ne gusu ne na.

Markos 16:6

Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan!

Roukos 2:44

awa, iriwak utara tumugeta hene uonnere utara tumugeta hene Shinuma hunara ruwe ne;

Roukos 24:5

awa, nei utara kimatek wa shiri kata koro nanuhu hepokiki, aine orota nei ainu utara ene itak-hi :— Nep gusu rai guru tumugeta shiknu guru echi hunara ya?

Yoannes 1:38

Orowa, Yesu hosari wa nei utara osh araki shiri nukara wa orota ene itak-hi :— Hemanda echi hunara ya? Orota nei utara ene itak-hi :— Rabbi (tan itak iporose an katu “epakashnu guru” ani an iporose ne), neita Aokai oshiroma ruwe he an?

Yoannes 18:4

Tambe gusu, Yesu anak ne yai otta hetuku kusu ne obitta no okaibe eraman hine nei utara otta oman wa orota ene itak-hi :— Inan guru echi hunara ya? ari itak.

Yoannes 18:7

Tambe gusu, shui, nei utara otta, — Inan guru echi hunara ya? ari Shinuma nu. Orota, Nazaret kotan un Yesu ne, sekoro nei utara ye nisa ruwe ne.

Yoannes 20:13

Nei utara shinuma otta ene itak-hi :— Shiwentep, hemanda gusu e chish ruwe he an? Orota shinuma ene itak-hi :— Nen ka Ku goro Utarapa koro wa paye wa isama, neita Shinuma ande ushike Ku erampeutek ruwe ne gusu ne na, ari itak.