Yoannes 19:9 - Ashiri Aeuitaknup Iyohaichish Yona 1897

⁹ aige, shui nei ipishi tumbu otta ahun wa, — Aokai nei wano an guru E ne ya? ani an itak ani Yesu otta nu nisa ruwe ne. Koroka, Yesu anak ne shomo ese itak ki nisa ruwe ne.

Yoannes 19:9 ပူးပေါင်းရင်းမြစ်များ

Mattaios 26:63

Koroka, Yesu nep poka ye ka shomoki ruwe ne. Otta Kamui kora kenru esapane guru ese wa ene itak-hi :— Eani Kamui Poho ne Kiristo E ne ruwe he an? Shomo ruwe he an? ari an ambe En otta E ye kuni ne, Ishu Kamui koye wa E ikashpaotte ash ruwe ne, ari itak.

Mattaios 27:27

Tande orowa esapane guru koro tumi-koro utara Yesu Pretorium otta ahunge, orowa, tura iki tumikoro utara obitta otta uwekarire nisa ruwe ne.

Roukos 23:9

Orowa, inne itak ani Shinuma ko uwepekennu, koroka, nep ne yakka Shinuma ese itak ki shomoki nisa ruwe ne.

Yoannes 18:28

Tambe gusu, utara anak ne Kaiapa orowa no Yesu tura wa ipishi tumbu otta ahunge: awa, aro-kunnei-wano ne; orowa, nei utara anak ne iteki yaituru-ushte, koroka, Kamakush marapto ibe kuni gusu, yaikota ipishi tumbu otta ahup shomoki nisa ruwe ne.

Yoannes 18:33

Tambe gusu, Pirato anak ne shui nei ipishi tumbu otta ahun wa Yesu hotuyekara, orowa, otta ene itakhi :— Eani anak ne Yudea un utara shikkashima guru E ne ruwe he an? ari itak.

Yoannes 18:34

Yesu ene ese-hi :— Eani yaikota tap ambe e ye ya? moshima utara En gusu tambe e nure ya? sekoro itak.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 19:10

Tambe gusu, orota Pirato ene itak-hi :— En orun shomo E itak ya? Kuani anak ne honnere ash mondum hene ku goro, utasa chikuni otta kungi kokikkik ash mondum hene ku goro shiri E erampeutek ruwe he an? ani itak.

Yoannes 19:8

Tambe gusu, Pirato anak ne tan itak nu chiki naa ishitoma:

Yoannes 8:14

Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.

Piripoi 1:28

orowa, echi ipokba utara gusu okai nep orushpe an yakka iteki ishitoma no okai yan: nei ambe anak ne, nei utara gusu an aisamka kuni anukara shiroshi ne, koroka, echi utara gusu Kamui orowa no an kashiobiuki-hi gusu an ap ne ruwe tapan na;