Yoannes 19:30 - Ashiri Aeuitaknup Iyohaichish Yona 1897

³⁰ Tambe gusu, Yesu nei shukkakep uk okere chiki, — Aokere na, ani itak; orowa, sapaha hepokiki wa kon ramat arapare nisa ruwe ne.

Yoannes 19:30 ပူးပေါင်းရင်းမြစ်များ

Iyohaichish 22:15

Ku kiroro anak ne sei humi korachi sat: Ku parumbe anak ku notkeu kotuk ruwe ne; Samata, Aokai anak ne rai gusu an pana orun en ande nisa ruwe ne.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Mattaios 27:50

Orowa, Yesu shui rui hawe sange, orowa no, ramat arapare nisa ruwe ne.

Mattaios 3:15

Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne.

Markos 15:37

Orowa, Yesu rui hawe sange wa ramat arapare nisa ruwe ne.

Roukos 22:37

Inambe gusu ne yakun, echi otta Ku ye :— Tap chieshinnuye wa an orushpe En otta auweomare kusu ne ap :— Orowa, Shinuma anak ne kashpaotte otereke utara tura akoesanniyo nisa ruwe ne na: inambe gusu ne yakun, En gusu an okaibe aokere kusu ne, sekoro itak.

Roukos 23:46

Orowa, Yesu rui hau ani hawe sange okere chiki ene itak-hi :— Michi, E teke otta Ku ramat Ku ande na, ari itak: orowa, tambe ye okere chiki Shinuma kon ramat arapare nisa ruwe ne.

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 10:18

En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

Yoannes 17:4

Ku ki kuni Aokai En kore ikip Ku kara okere gusu moshiri kata E oripak ash nisa ruwe ne.

Yoannes 19:28

Tap okaketa, tane nep ne yakka aokere sekoro Yesu eraman wa, Kamui nuyere itak auweoma kuni gusu, — Ku iku rusui, ani an itak ani itak nisa ruwe ne.

Yoannes 4:34

Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne.

Roma 10:4

Inambe gusu ne yakun, obitta no okai eishokoro utara aoupekare kuni gusu Kiristo anak ne tuitak aeramushinnep ne ruwe ne na.

Roma 3:25

Shinuma koro kemihi gusu, eishokor-i ani, imommuye ne akara kuni ne Kamui shinuma gusu esanniyo; nei ambe anak ne Kamui yaishikkashima hine etoko wano aki katpak moshima no ande wa koro oupeka ambe eramande kuni ne;

I Korintos 5:7

Pandane sak no poka echi okai korachi, ashiri takuhu echi akara kuni gusu, nei fushko pandane oashinge yan. Inambe gusu ne yakun, chikoro kamakushbe ne Kiristo ne yakka ayange nisa ruwe ne:

Piripoi 2:8

orowa, koro katuhu anak ne ainu nei no an ap anukarape ne gusu, Shinuma yaieoripakka wa rai pakno itaknu ki, ruwe un, utasa chikuni otta araige pakno itaknu ki nisa ruwe ne na.

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 9:22

Shui, tuitak gusu aye chiki, obitta no okai-be kem ani aashkannere ruwe ne, ari ku ye yak pirika; orowa, kem aohetu ambe isam chiki tusare ambe isam ruwe ne.