Yoannes 19:20 - Ashiri Aeuitaknup Iyohaichish Yona 1897

²⁰ Tambe gusu, inne Yudea un utara nei anuye ikiri oro-o-itak: Yesu utasa chikuni otta akokikkik ushike anak ne nei machiya ehange no an i ne ruwe ne gusu ne na; samata, nei ambe anak ne Hebrai un itak ani hemhem, Roma un itak ani hemhem, Herenes un itak ani hemhem anuye wa an nisa ruwe ne na.

Yoannes 19:20 ပူးပေါင်းရင်းမြစ်များ

Roukos 23:38

Orowa, Shinuma tashiketa tap okai anuye wa an ambe an, Tan guru anak ne Yudea Moshirʼun utara Esapane guru ne ruwe ne.

Yoannes 19:13

Tambe gusu, Pirato tan itak nu chiki, Yesu soinere, orowa, Apirasa-shuma ani aye ushiketa (tan ushike anak Hebrai un itak ani Gabbata ani ayep ne) an koipishi set kata a nisa ruwe ne.

Yoannes 19:42

Yudea un utara Etokooiki buri an gusu nei ushiketa Yesu ande nisa ruwe ne (nei tushiri ehange no an ruwe ne gusu ne na).

Yoannes 5:2

Yerusarem kotan ta hitsuji chikoikip apa samta ashikne ikushpe koro shine to an, nei ambe anak ne Hebrai an itak ani aye chiki Betesda ani aporosep ne ruwe ne.

Apostoro ikip oma kambi 21:37

Orowa, Pauros anak ne tane nei chashi otta aahunde ange chiki, shinuma nei tumi-koro utara ikiri esapane guru otta ene itak-hi :— E otta pon no ku ye yak pirika ya? Orota shinuma ene itak-hi :— Eani Herenes un itak ani itak eashkai ya?

Apostoro ikip oma kambi 21:40

Awa, ramuoshma yakun, Pauros nei shuma-nikara kashita ash wa utara orun tek-konishuk; orowa, utara shiri mo no okai chiki shinuma Hebrai un itak ani itak wa ene hawe oka-hi :—

Apostoro ikip oma kambi 22:2

Orowa, shinuma anak ne Hebrai un itak ani ye shiri utara nu chiki naa mo no okai ruwe ne: awa, shinuma ene hawe ani :—

Apostoro ikip oma kambi 26:14

Awa, chi utara obitta shiri kata hachiripa chiki, Hebrai un utara itak ari en otta ye hau ku nu-hi: ene hawe oka-hi :— Sauros, Sauros, nep gusu eani en keshke ruwe he an? Nei ai-o-kuwa enitomoshma ambe anak eani gusu hokambap ne, ari itak.

Hebraios 13:12

kash-tai soita uhuyeka ruwe ne. Tambe gusu, Yesu ne yakka, yaikota koro kemihi ani utara ashkannere kuni ne, apa soigeta aeyairamshitnere nisa ruwe ne.

Ekambakbe 16:16

Orowa, nei utara anak ne Hebrai un itak ani Harmagedon ari an itak ani aporose ushike ta yaiuwekarapare nisa ruwe ne.

Ekambakbe 9:11

Orowa, nei utara okkeu kashita an sapanep anak ne asam-sak shui koro hauturumbe ne; Hebraios un itak ne chiki kon reihei Abaddon ne ruwe ne, Herenes un itak ani aye chiki Aporrion ne ruwe ne.