Yoannes 19:19 - Ashiri Aeuitaknup Iyohaichish Yona 1897

¹⁹ Orowa, Pirato anak ne anuye ikiri ne yakka nuye wa utasa chikuni kata ande nisa ruwe ne. Orowa, nei anuyep otta, — Yudea un utara Shikkashima guru Nazaret kotan un Yesu, sekorobe an ruwe ne.

Yoannes 19:19 ပူးပေါင်းရင်းမြစ်များ

Mattaios 2:23

aige, Nazaret ani aporose machiya otta oshiroma nisa ruwe ne: tap ambe anak ne, Nazaret un guru ani areikore kusu ne sekoro uweingara utara ye itak auweomare kuni gusu an ruwe ne na.

Mattaios 27:37

Awa, Shinuma koro sapa kashiketa :— Tambe anak ne Yudea Moshirʼun utara esapane Yesu, ne ruwe ne, ari an itak ani nuye wa ande nisa ruwe ne.

Markos 15:26

Orowa, Shinuma kashiketa tan anuye wa an eiyonnupba ikiri anuye wa an :— Yudea un utara shikkashima guru.

Roukos 18:37

Orowa, Nazaret kotan un Yesu shirikush shiri an sekoro anure nisa ruwe ne.

Roukos 23:38

Orowa, Shinuma tashiketa tap okai anuye wa an ambe an, Tan guru anak ne Yudea Moshirʼun utara Esapane guru ne ruwe ne.

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 18:33

Tambe gusu, Pirato anak ne shui nei ipishi tumbu otta ahun wa Yesu hotuyekara, orowa, otta ene itakhi :— Eani anak ne Yudea un utara shikkashima guru E ne ruwe he an? ari itak.

Yoannes 19:12

Tata otta, Pirato anak ne Shinuma honnere kuni hunara ruwe ne: koroka, Yudea un utara hawe ashte wa ene itak-hi :— Eani anak ne tan guru honnere yakun, Kaisaros tura no iki guru shomo e ne ruwe ne: nen ne yakka yaikota ani Moshiri shikkashima guru yai-nere guru anak ne Kaisaros epokba no ye ruwe ne.

Yoannes 19:14

Tane Kamakush marapto gusu etokooiki toho ne: iwan pakihi paketa ne ruwe ne. Orowa, Yudea un utara otta shinuma ene itak-hi :— Echi koro Moshiri shikkashima guru ingara yan! ani itak.

Yoannes 19:21

Tambe gusu, Yudea un utara koro Kamui kora kenru esapane utara anak ne Pirato otta ene itak-hi :— Yudea un utara Shikkashima guru ani iteki nuye yan; koroka, — Kuani anak ne Yudea un utara Shikkashima guru Ku ne ani an itak ani Shinuma ye,

Yoannes 19:3

samata, fure amip ani mire nisa ruwe ne; orowa, orota araki wa ene itak-hi :— Yudea un utara shikkashima guru, Irangarapte! ari itak; orowa, teke ani Shinuma shirikik nisa ruwe ne na.

Apostoro ikip oma kambi 26:9

Son no poka kuani yaikota ne yakka Nazaret kotan un Yesu sekorʼan reihei epeka inne keshkep ikichi ambe ku ki kunip ne sekoro ku yainu nisa.

Apostoro ikip oma kambi 3:6

Koroka, Petros ene itak-hi :— Shirokani hene kongani hene ku sak: a koroka, koro wa ku an okaibe e kore ash na. Nazaret kotan un Yesu Kiristo reihei ankushkeraipo apkash yan, ari itak.