Yoannes 18:37 - Ashiri Aeuitaknup Iyohaichish Yona 1897

³⁷ Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 18:37 ပူးပေါင်းရင်းမြစ်များ

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Mattaios 27:11

Orowa, Yesu anak ne nei esapane guru kotpokita ash; awa, esapane guru Shinuma otta nu wa ene itak-hi :— Eani anak ne Yudea un utara esapane guru

Markos 14:62

Orota Yesu ene itak-hi :— Ruwe ne wa; orowa, Ainu Poho kiroro shimon tek samata a hine kando nishkuru koro wa ek shiri echi nukara kusu ne na, ari itak.

Markos 15:2

Orowa, Pirato anak ne Shinuma otta ene nu-hi :— Eani anak ne Yudea un guru shikkashima guru E ne ruwe he an? Shinuma ese wa orota ene itak-hi :— E ye ruwe ne, sekoro itak.

Roukos 22:70

Orowa, obitta no nei okai utara anak ne :— Yakun, Aokai anak ne Kamui Poho E ne ruwe he an? ani itak. Orota Shinuma ene itak-hi :— Kuani Shinuma ne, ani echi ye, sekoro itak.

Roukos 23:3

Orowa, Pirato Shinuma otta nu wa ene itak-hi :— Eani anak Yudea un utara Shikkashima guru E ne ruwe he an? Orowa,

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 3:32

Shinuma anak ne nu ambe gusu, nukarape gusu paweteshu ki; orowa, nen ne yakka nei ki paweteshu ambe nu shomoki ruwe ne.

Yoannes 7:17

Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Yoannes 8:14

Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.

Yoannes 8:45

Koroka, sonep Ku ye gusu echi En eishokoro shomoki.

Yoannes 8:46

Echi utara tumugeta katpak an sekoro En esanniyo guru anak ne nen ne ruwe he an? sonep Ku ye yakun, hemanda gusu echi En eishokoro shomoki ya?

Yoannes 8:47

Kamui orowa no an guru anak ne Kamui itak nu: tan ikkewehe an gusu nei ambe echi nu shomoki, Kamui orowa no an okaibe shomo echi ne ruwe ne gusu ne na.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Yoannes 2:21

Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.

I Yoannes 3:14

Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.

I Yoannes 3:19

Tata otta chi utara anak ne son-i orowa no oka-hi chi eraman, orowa, nep gusu ne yakka chikoro keutura anak un katpakte yakka,

I Yoannes 4:6

Chi utara anak ne Kamui orowa no an ambe chi ne: Kamui eamkiri guru un nu ruwe ne: Kamui orowa no shomo ne an guru anak ne un nu shomoki ruwe ne. Tambe ani son no an ramat newa ohaita wa an ramat chi eraman ruwe ne na.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

Ekambakbe 1:4

Yoannes anak Asia ta okai arawan karisia utara orota kambi omande na: an wa an, an nisa, orowa, ek kusu ne Kamui orowa no hemhem; shui, Shinuma koro amset kotchaketa okai arawan Ramat orowa no hemhem;

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi: