Yoannes 18:20 - Ashiri Aeuitaknup Iyohaichish Yona 1897

²⁰ Orota Yesu ene ese-hi :— Anu no moshirʼotta Ku ye; otta obitta no okai Yudea un utara uwekarapa Uwekarapa chisei ta hemhem, Kamui kora kenru ta hemhem Ku epakashnu nisa ruwe ne: arorokishne no nep ne yakka Ku ye shomoki ruwe ne na.

Yoannes 18:20 ပူးပေါင်းရင်းမြစ်များ

Iyohaichish 22:22

Ku iriwak utara otta E reihei ku nure kusu ne; Uwekari tumugeta E iramye ash kusu ne na.

Iyohaichish 40:9

Poro uwekari otta oupeka ambe ku eupaskuma ki nisa; Hetak, ku papush shomo ku seshke kusu ne, sekoro, Aa Ehoba, Aokai eraman ruwe ne.

Mattaios 24:26

iteki paye: orowa, ingarʼan, chisei onnaigeta an tumbu ta an, sekoro echi otta ye chiki, iteki eishokoro yan.

Mattaios 26:55

Nei ita utara topaha otta Yesu ene itak-hi :— Emush hemhem shirikik kuwa hemhem koro wa ikka guru kishima kuni korachi En orota echi araki ruwe he an? Kuani kesto epakashnu gusu Kamui kora kenru ta Ku a,

Mattaios 26:65

Orowa. Kamui kora kenru esapane guru anak ne yaikota mi anrip yaspa wa ene itak-hi :— Shinuma Kamui koatcha itak ye nisa ruwe ne: Nep gusu moshima an paweteshu ambe chi kon rusui ya? Ingarʼan, echi utara tane nei Kamui koatcha itak ambe echi nu okere ruwe ne: Nekon a echi yainu ya? ari itak.

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Mattaios 9:35

Orowa, Yesu shiri ebitta machiya hene kotan hene okari oman wa uwekarapa chisei ta epakashnu, aige, moshiri gusu an pirika orushpe eupaskuma, samata, usa okai tashum ne yakka usa okai shiyeye ne yakka iwangere nisa ruwe ne.

Markos 8:32

Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.

Roukos 21:37

Orowa, kesto Shinuma anak ne Kamui kora kenru ta an wa epakashnu ki korʼan nisa ruwe ne; awa, kes anchikara soine wa Kanran-ush ani aye nupuri otta reushi ruwe ne.

Roukos 4:15

Orowa, Shinuma nei utara koro Uwekarapa chisei ta epakashnu, aige, utara obitta Shinuma ko-oripak nisa ruwe ne.

Yoannes 18:21

Hemanda gusu En otta E nu ya? Orota Ku ye utara otta Ku ye orushpe nu yan; ingarʼan, nei utara anak ne Ku ye itak eraman ruwe ne, ari itak.

Yoannes 6:59

Shinuma anak ne Kapernaum kotan ta epakashnu wa an ita tap orushpe shine uwekarapa chisei otta an wa ye nisa ruwe ne.

Yoannes 7:14

Koroka, tane marapto uturu an koro anak ne Yesu Kamui kora kenru orun hemesu, orowa, epakashnu nisa ruwe ne.

Yoannes 7:26

Yakka, Shinuma nuina shomoki no itak ki korʼan, awa, otta nep ne yakka ki shomoki ruwe ne. Tambe anak ne son no newa Kiristo ne sekoro sapane utara eraman eashkaibe ne ruwe?

Yoannes 7:28

Tambe gusu, Yesu anak ne Kamui kora kenru ta hawe sange wa epakashnu hine ene itak-hi :— Echi utara anak ne En eamkiri hemhem ki, nei wano Ku ekbe ne ya echi eramu hemhem ki; orowa, Kuani yaikota yai Ku omande shomoki, koroka, En omandep anak ne son no ambe ne, echi utara anak ne Shinuma eamkiri shomoki ruwe ne na.

Yoannes 7:4

Inambe gusu ne yakun, yaikota aeamkirire rusui wa nuina no ikip ki guru isama. Tap okaibe E ki chiki moshiri uirup otta yainukara yan, ari itak.

Yoannes 8:2

Orowa, aro-kunnei-wano Shinuma shui Kamui kora kenru orun ahun, awa, obitta no okai utara Shinuma otta araki nisa ruwe ne; aige, Shinuma a wa utara epakashnu nisa ruwe ne.

Yoannes 8:26

Echi utara gusu Ku ye hemhem ki, koipishi hemhem ki kuni inne ambe okai: koroka, En omandep anak ne sonep ne; orowa, Shinuma otta Ku nu okaibe moshiri otta Ku nure ruwe ne, ari itak.

Apostoro ikip oma kambi 26:26

Aige, otta rametok-kon no ku ye Moshiri shikkashima guru tap okaibe eraman ruwe ne: shinuma gusu tap okaibe shinep ka anuina shomoki kunak ku eishokoro: inambe gusu ne yakun, tambe anak shikkiu otta aki ikip shomo ne ruwe ne gusu ne na.