Yoannes 17:26 - Ashiri Aeuitaknup Iyohaichish Yona 1897

²⁶ orowa, nei utara otta E reihei Ku eramande, orowa naa eramande kusu ne na, ani Aokai En omap omap-ambe anak nei utara oshiketa an, orowa, Kuani nei utara oshiketa Ku an kuni gusu ne na.

Yoannes 17:26 ပူးပေါင်းရင်းမြစ်များ

Iyohaichish 22:22

Ku iriwak utara otta E reihei ku nure kusu ne; Uwekari tumugeta E iramye ash kusu ne na.

Yoannes 14:20

Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na.

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:15

Te wano usshiune utara ani an itak ani echi reikore ash shomo Ku ki; usshiune guru anak ne kon nishpa iki ambe erampeutek ruwe ne gusu ne na: koroka, katairotki utara ani Kuani echi reikore ash nisa ruwe ne; inambe gusu ne yakun, obitta Ku Michi orowa no Ku nu okaibe echi nure ash nisa ruwe ne gusu ne na.

Yoannes 15:4

En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.

Yoannes 15:9

Ku goro koikara utara echi ne ruwe ne kusu ne na. Michi poka En omap korachi, Kuani ne yakka echi omap ash nisa ruwe ne:

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Yoannes 17:6

Moshiri orowa no En otta Aokai koropare utara otta E kon reihei Ku eramande nisa ruwe ne: nei utara E korope ne, awa, Aokai anak ne En kore nisa ruwe ne: orowa nei utara E koro itak shikkashima nisa ruwe ne na.

Yoannes 17:8

inambe gusu ne yakun, Aokai En kore itak nei utara otta Ku kore nisa ruwe ne; orowa, nei utara nei itak uk, samata, son no newa, Kuani E orowa no ek shiri eraman, orowa, Aokai En omande nisa ruwe ne sekoro eishokon nisa ruwe ne na.

Yoannes 6:56

Ku kam ibe Ku kem iku gurʼanak ne En oshiketa oshiroma, Kuani ka shinuma oshiketa Ku oshiroma ruwe ne.

Yoannes 8:50

Koroka, Kuani yaikota ramuayere kuni ambe Ku hunara shomoki; hunara wa koipishi ki Shinen an ruwe ne.

Roma 8:10

Orowa, Kiristo anak ne echi onnaigeta an chiki, katpak gusu netobake anak rai wa, okere; koroka, oupekap gusu ramat ishu ruwe ne.

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 12:12

Netobake anak ne shinep ne wa inne awehe koro, orowa, netobake koro obitta no okai awehe innep ne wa shine netobake ne korachi; tapne nei no Kiristo ne yakka an ruwe ne.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Epesos 1:6

awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 5:30

chi utara Shinuma kon netobake oma awehe chi ne ruwe ne gusu ne na.

Epesos 5:32

Tan mukkep anak ne poro: koroka, Kiristo newa karisia epeka no ku ye na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 2:10

aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa nrondum korobe koro sapaha ne ruwe ne:

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

Hebraios 2:12

ani porose kuni yainikoroshma shomo ki; ene itak-hi :— Ku iriwak utara otta E reihei ku nure kusu ne; Karisia tumugeta E orun ramye shinotcha ku ki kusu ne na.

I Yoannes 3:24

Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.