Yoannes 17:25 - Ashiri Aeuitaknup Iyohaichish Yona 1897

²⁵ Aa oupeka an Michihi! Moshiri anak ne Aokai eamkiri shomoki, koroka, Kuani anak ne E eamkiri nisa ruwe ne; orowa, tan okai utara anak ne Aokai En omande sekorʼambe eraman nisa ruwe ne:

Yoannes 17:25 ပူးပေါင်းရင်းမြစ်များ

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Roukos 10:22

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Yoannes 1:18

Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 10:15

Michi anak ne En eamkiri, Kuani anak Michi Ku eamkiri ukorachi ne na; orowa, hitsuji gusu Ku inotu Ku ande

Yoannes 15:21

Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.

Yoannes 16:27

inambe gusu ne yakun, Michi anak ne yaikota echi omap ruwe ne, echi utara En omap wa Michi orowa no Ku ek an sekoro echi eishokon nisa ruwe ne gusu ne na.

Yoannes 16:3

Nei utara Michi eamkiri shomoki, En eamkiri ka shomoki gusu tap okaibe ki kusu ne.

Yoannes 16:30

Tane anak ne Aokai obitta no an okaibe eraman, orowa, inan guru ne yakka Aokai otta koramkoro shomoki yakka pirika shiri chi eraman; tambe gusu, Aokai anak ne Kamui orowa no ek an sekoro chi eishokon ruwe ne.

Yoannes 17:11

Orowa, naa moshiri otta Ku an shomo ne, tan utara anak ne moshiri otta okai, orowa, E otta Ku ek. Ashkanne Michi, Chi utara shinep ne korachi, nei utara shinep ne an kuni gusu En otta Aokai koropare utara E reihei otta shikkashima wa En kore.

Yoannes 17:18

Aokai anak ne moshiri otta En omande korachi, Kuani nei utara ne yakka moshiri otta Ku payere ruwe ne.

Yoannes 17:21

obitta no okai nei utara anak ne shinep ne kuni gusu ne; Aokai, Ku Michi En oshiketa an, orowa, Kuani E oshiketa an korachi, nei utara ne yakka un oshiketa okai kuni gusu ne: Aokai anak ne En omande nisa ruwe ne, sekoro moshiri eishokoro kuni gusu ne na.

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 17:8

inambe gusu ne yakun, Aokai En kore itak nei utara otta Ku kore nisa ruwe ne; orowa, nei utara nei itak uk, samata, son no newa, Kuani E orowa no ek shiri eraman, orowa, Aokai En omande nisa ruwe ne sekoro eishokon nisa ruwe ne na.

Yoannes 3:17

Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.

Yoannes 6:19

Tambe gusu, nei utara ashikne stadia ikashima hotne stadia hene tu hotne stadia hene pakno chip o wa okai chiki, Yesu atui kata apkash wa chip ehange no ek shiri anukara ruwe ne: awa, nei utara ishitoma nisa ruwe ne.

Yoannes 7:29

Kuani Shinuma eamkiri; Kuani anak ne Shinuma orowa no Ku ek, orowa, Shinuma En omande nisa ruwe ne gusu ne na.

Yoannes 8:19

Tambe gusu, Shinuma otta nei utara ene itak-hi :— E koro Michi neita an ruwe? Yesu ene ese-hi :— Echi utara anak ne seenne En eamkiri hene ki, seenne Ku Michi eamkiri hene ki ruwe ne: echi En eamkiri chiki, Ku Michi ne yakka echi eamkiri kusu ne ap, ari itak.

Yoannes 8:55

orowa, echi utara anak ne Shinuma eamkiri shomoki: koroka, Kuani anak Shinuma eamkiri ruwe ne; orowa, Shinuma Ku eamkiri shomoki sekoro Ku ye yak anak ne, echi utara korachi shunge guru Ku ne kusu ne ap: koroka, Kuani anak ne Shinuma eamkiri wa koro itak Ku shikkashima ruwe ne na.

Apostoro ikip oma kambi 17:23

Inambe gusu ne yakun, ku apkash rapoketa otta echi ko-ongami okaibe ku ingara chiki, — Aeramushkari Kamui gusu-ani an itak ani kashita anuye wa an Yange set ku nukan nisa ruwe ne gusu ne na. Erampeutek no echi koongami ambe kuani echi nure ash na.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Roma 3:11

Eraman guru isam, Kamui hunara guru isam,

Roma 3:26

tane an pakihi ta Shinuma koro oupeka ambe eramande kunip ne: Shinuma yaikota oupeka wa Yesu eishokoro guru oupekare kuni gusu an ambe ne ruwe ne na.

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 15:34

Oupeka an no mosh wa iteki katpak ki: an utara anak ne Kamui eramushkare ruwe ne gusu ne na: echi utara ayainikoroshmare kuni gusu tambe ku ye ruwe ne.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

Hebraios 8:11

Orowa, nei utara pishno anak ne heru machiya un guru hene, Utara pishno koro iriwak otta hene :— Utarapa eamkire yan, ari an ambe ani shomo epakashnu kusu ne: Inambe gusu ne yakun, nei utara iyotta ponbe orowa no iyotta porobe pakno, Obitta En eamkiri kusu ne gusu ne na.

I Yoannes 1:9

Koro katpak chi eyaipushi ash chiki, Shinuma anak ikipniukesh oupekap ne gusu chikoro katpak tusare hemhem ki, obitta no okai oupeka sak-i ashkannere hemhem ki ruwe ne.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 16:5

Orowa, wakka koro hauturumbe ene ye hawe ku inu :— Aokai anak ne an wa an, an nisa, aine, tap korachi E esanniyo ruwe ne gusu, oupeka ambe E ne ruwe ne na: