Yoannes 17:24 - Ashiri Aeuitaknup Iyohaichish Yona 1897

²⁴ Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 17:24 ပူးပေါင်းရင်းမြစ်များ

Mattaios 25:21

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:23

Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 26:29

Koroka, echi otta Ku ye :— Ku Michi koro moshirʼotta echi tura no ashiripe Ku iku pakno, tande orowa no hat pungara nikaop Ku iku shomoki kusu ne na.

Roukos 12:37

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Roukos 23:43

Orota Shinuma ene itak-hi :— Sen no e otta Ku ye, Tanto En tura no Paradeisos otta e an kusu ne na, ani itak.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Yoannes 14:3

Echi okai kuni ushike Ku etokooiki gusu Ku arapa yak anak ne, shui Ku ek wa, Ku an ushiketa echi utara ne yakka okai kuni gusu Kuani Yaikota En tura no echi koande ash ruwe ne.

Yoannes 15:9

Ku goro koikara utara echi ne ruwe ne kusu ne na. Michi poka En omap korachi, Kuani ne yakka echi omap ash nisa ruwe ne:

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 17:22

Orowa, En otta E kore arakuru Kuani nei utara otta Ku kore nisa ruwe ne; chi utara shinep ne korachi, nei utara ne yakka shinep ne kuni gusu ne na;

Yoannes 17:5

Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Yoannes 6:37

Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne.

Yoannes 6:39

Orowa, En omandep koro irenga anak ne tapne ne ruwe ne; nep ne yakka Shinuma En koroparep otta shinep ka aturainu shomoki no, okese an toho ta nei ambe Ku hetopo-shiknure kuni ambe ne ruwe ne.

Yoannes 8:58

Orota Yesu ene itak-hi :— Son no, son no, echi otta Ku ye, Abraham naa shomo hetuku etokota Ku an nisa ruwe ne, sekoro itak.

I Korintos 13:12

Inambe gusu ne yakun, tane anak ne homanno yaikunnukarabe ani chi nukara; koroka, nei ita anak ne uwenitomom no nukan kusu ne ruwe ne: tane anak ne nimara ani ku eraman; koroka, nei ta anak kuani ka ara a en aeraman korachi, ara ku eraman kusu ne.

II Korintos 3:18

Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

II Korintos 5:8

aige, netobake ande wa Utarapa tura unita an rusui ruwe ne.

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

I Tessaronike 4:17

orowa no, shiknu wa okai utara, ahoppa wa okai utara anak, rik-mau tumta Utarapa uwetunangara kuni ne nei utara tura no nishkuru orun auk kusu ne: aine, ramma pakno Utarapa tura no okai kusu ne na.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

Ekambakbe 21:22

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.