Yoannes 17:23 - Ashiri Aeuitaknup Iyohaichish Yona 1897

²³ nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Yoannes 17:23 ပူးပေါင်းရင်းမြစ်များ

Yoannes 10:38

Koroka, nei ambe Ku iki yakun, echi utara En eishokoro shomoki yakka, nei ikip eishokoro yan: Michi anak ne En onnaigeta an, Kuani anak Michi onnaigeta Ku an shiri echi eraman wa ramepakari kuni gusu ne na, ari itak.

Yoannes 13:35

Echi utara anak ne utashpa uweomap shiri an yakun, Ku koro koikara utara echi ne sekoro utara obitta eraman ruwe ne kusu ne na.

Yoannes 14:10

Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:9

Ku goro koikara utara echi ne ruwe ne kusu ne na. Michi poka En omap korachi, Kuani ne yakka echi omap ash nisa ruwe ne:

Yoannes 16:27

inambe gusu ne yakun, Michi anak ne yaikota echi omap ruwe ne, echi utara En omap wa Michi orowa no Ku ek an sekoro echi eishokon nisa ruwe ne gusu ne na.

Yoannes 17:11

Orowa, naa moshiri otta Ku an shomo ne, tan utara anak ne moshiri otta okai, orowa, E otta Ku ek. Ashkanne Michi, Chi utara shinep ne korachi, nei utara shinep ne an kuni gusu En otta Aokai koropare utara E reihei otta shikkashima wa En kore.

Yoannes 17:21

obitta no okai nei utara anak ne shinep ne kuni gusu ne; Aokai, Ku Michi En oshiketa an, orowa, Kuani E oshiketa an korachi, nei utara ne yakka un oshiketa okai kuni gusu ne: Aokai anak ne En omande nisa ruwe ne, sekoro moshiri eishokoro kuni gusu ne na.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 17:26

orowa, nei utara otta E reihei Ku eramande, orowa naa eramande kusu ne na, ani Aokai En omap omap-ambe anak nei utara oshiketa an, orowa, Kuani nei utara oshiketa Ku an kuni gusu ne na.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 17:8

inambe gusu ne yakun, Aokai En kore itak nei utara otta Ku kore nisa ruwe ne; orowa, nei utara nei itak uk, samata, son no newa, Kuani E orowa no ek shiri eraman, orowa, Aokai En omande nisa ruwe ne sekoro eishokon nisa ruwe ne na.

Yoannes 3:17

Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.

Yoannes 6:56

Ku kam ibe Ku kem iku gurʼanak ne En oshiketa oshiroma, Kuani ka shinuma oshiketa Ku oshiroma ruwe ne.

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Piripoi 3:15

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

Korosai 1:28

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

Korosai 3:14

orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

I Yoannes 1:3

chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

I Yoannes 4:19

Shinuma hoshiki no un omap nisa ruwe ne gusu, chi utara omap ki ruwe ne.

Ekambakbe 3:9

Ingarʼan, Satan koro nwekari un utara, orowa, Yudea un utara shomo ne, koroka, shunge wa Yudea un utara ne kunak yaiporose utara orowa akore ash ruwe ne; ingarʼan, nei utara anak ne e chikiri kotchaketa koongami kuni ne Ku arakire kusu ne, orowa, Kuani e omap ash an ambe Kuani nei utara eramande kusu ne na.