Yoannes 17:17 - Ashiri Aeuitaknup Iyohaichish Yona 1897

¹⁷ E koro sonep otta nei utara ashkannere wa En kore: E koro itak anak ne sonep ne ruwe ne na.

Yoannes 17:17 ပူးပေါင်းရင်းမြစ်များ

Iyohaichish 119:104

E koro ipawetenge ankushkerai ku wayashnu ne: Tambe gusu obitta no okai wen-buri ku etunne ruwe ne na.

Iyohaichish 119:11

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Iyohaichish 119:144

E sange ipawetenge otusashuishiri pakno oupekap ne: En wayashnure wa en kore, yakun ku shiknu kusu ne na.

Iyohaichish 119:160

E koro itak aesanniyo chiki sonep ne; Orowa, pishno no okai E koro oupeka aesanniyo ambe anak ne otusashuishiri pakno an shiriki ruwe ne.

Iyohaichish 119:9

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Iyohaichish 12:6

Ehoba korʼitak anak ne ashkanne itak ne; Toitoi abe sokot oshiketa aturu-sakte shirokani; Arawan-shuine apekashnure shirokani korachi ne ruwe ne.

Roukos 8:11

Tan itak-maukushte-itak ene ani ne :— Piyehe anak ne Kamui itak ne ruwe ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Yoannes 15:3

Tane echi otta Ku ye okere itak gusu echi utara anak ne turu-sak wa okai ruwe ne.

Yoannes 17:19

Nei utara gusu Kuani yaikota Ku ashkannere, nei utara yaikota ne yakka sonep otta aashkannere kuni gusu ne na.

Yoannes 8:32

samata, sonep echi eraman kusu ne, orowa, nei sonep anak ne echi honnere kusu ne na.

Yoannes 8:40

Koroka, tane anak ne Kamui otta Ku nu sonep echi otta nure guru ne En raige kuni echi hunara ruwe ne: Abraham anak ne tap korachi iki shomoki nisa ruwe ne.

Apostoro ikip oma kambi 15:9

aige, nei utara newa chi utara gusu shinnai no are shomoki no eishokor-i ani koro keutura ashkannere.

II Korintos 3:18

Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

Epesos 4:21

echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

II Tessaronike 2:13

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.