Yoannes 16:33 - Ashiri Aeuitaknup Iyohaichish Yona 1897

³³ Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Yoannes 16:33 ပူးပေါင်းရင်းမြစ်များ

Iyohaichish 68:18

Aokai anak ne rikun ushike orun rikin, ausshiunep tekepashte nisa ruwe ne; Utara tumugeta eikrap koro, Ruwe un, okbare ki utara tumugeta ne yakka Yah Kamui oshiroma kusu ne ne.

Mattaios 9:2

Awa, utara anak ne hotke wa an tusushke tashum ki shine ainu Shinuma otta sei wa araki ruwe ne: orowa, Yesu nei utara koro eishokor-i nukara koro tusushke tashum ki guru otta ene itak-hi :— Poho, keutum ritetkere yan, e koro chikokatpak atusare ruwe ne gusu ne na.

Roukos 19:38

Kando oshiketa itomo an, iyotta rik un ushiketa aeoripak ambe an na, ari itak.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 14:1

Iteki echi sambe chiukopoye yan: Kamui eishokoro, samata En eishokoro yan.

Yoannes 14:27

Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

Yoannes 16:11

koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Apostoro ikip oma kambi 23:11

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

Apostoro ikip oma kambi 27:22

Tane echi ramu-ritetke kuni echi onishnishi ash: inambe gusu ne yakun, chip patek aisamka kusu ne, ainu rai shomoki kusu ne gusu ne na.

Apostoro ikip oma kambi 27:25

Tambe gusu, Nishpa utara, ramuritetke yan: en otta aye korachi hetuku kusu ne kuni ambe gusu kuani anak ne Kamui eishokon ruwe ne.

Apostoro ikip oma kambi 9:31

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

II Korintos 1:3

Chikoro Utarapa ne Yesu Kiristo koro Kamui newa Michi, rampoken newa obitta no okai omaoma ambe koro Michihi airamye an na;

II Korintos 13:11

Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

II Korintos 4:7

Koroka, nei shiri poro kiroro anak ne un orowa no shomo ne, Kamui orowa no an kuni gusu, toitoi op oshiketa chi utara tan ikoro kon ruwe ne;

II Korintos 6:4

koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

II Korintos 7:4

Echi epeka ku ye itak anak ne shiri rametokkorobe ne, echi ankushkerai ku yaiomonnure ambe anak ne poro ruwe ne: aomaoma ambe ani kuani aeshikte wa an, obitta no okai chi ikichi eramchuptekbe tumta nupetnep eika ruwe ne na.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Piripoi 4:7

Orowa, obitta no okai eraman kuni mondum akkari kara Kamui itomo irenga, Kiristo Yesu gusu echi yainu-hi hemhem echi keutura hemhem epungine kusu ne na.

Korosai 1:20

samata, koro utasap kemihi ani itomo ashte hine, Shinuma ankushkerai gusu yai otta obitta no okaibe irenga usaraye kuni gusu ne na; moshiri kata okaibe ne a yakka, kando oshiketa okaibe ne a yakka, Shinuma ankushkeraipo aratchire kuni gusu nep.

I Tessaronike 3:4

Son no newa, echi tura no okai ash ita anak ne echi utara aeramchutekte kusu ne a arabe irammakaka echi nure ash nisa; iki korachi nep, echi eraman korachi ne ruwe ne gusu ne na.

I Tessaronike 3:7

tapan ikkewehe an gusu, iriwak utara, obitta no okai chi iki kunip newa eramchuptekbe an ita echi iki eishokor-i ankushkeraipo aomaoma nisa ruwe ne;

II Tessaronike 3:16

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

II Timoteos 3:12

Ruwe un, inan guru ne yakka Kiristo Yesu oshiketa Kamui kooripak an no ishu kusu ne sekoro ramuoshitchiu gurʼanak ne aepokba kusu ne.

Hebraios 11:25

an pakihi uturu chikokatpak an ambe ani yainupetnere kasu no, Kamui koro utara tura aeramu nishte wa akore katu pirikap ne sekoro yainu ruwe ne;

Hebraios 7:2

orowa, Abraham anak ne obitta no okaibe gusu wanbe un shinep Shinuma orota kore nisa ruwe ne, aige shinuma ramma-kane Kamui otta yaishieiwangere guru ne ruwe ne na (nei reihei apita yakun, hoshike no Oupekap esapane guru ari an ikkeu ne, orowa no,

I Petros 5:9

ukorachi an aeramshitnere ambe anak ne moshiri otta okai echi iriwak utara otta ne yakka an sekoro echi eraman wa, utumashi shomoki no eishokoro wa nei ipokbap shisamchashnure yan.

I Yoannes 2:13

kambi ku nuye na. Michi utara, atpake wano an guru echi eamkiri gusu, tambe gusu echi otta kambi ku nuye. Upen utara, wenbe echi annokara okere gusu, tambe gusu, echi otta kambi ku nuye. Nokan utara, Michi echi eamkiri gusu, tambe gusu,

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

I Yoannes 5:4

Inambe gusu ne yakun, nep ne yakka Kamui orowa no ahekature ambe anak ne moshiri annokan ruwe ne: orowa, moshiri annokan nisa kiroro anak ne,

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.