Yoannes 16:20 - Ashiri Aeuitaknup Iyohaichish Yona 1897

²⁰ Son no, son no, echi otta Ku ye, echi utara anak ne chish hemhem ki, esarachish hemhem echi ki, koroka, moshiri anak yaikopuntek kusu ne: echi oknatara kusu ne, koroka echi oknatarap anak ne yaikopuntekbe ne akara kusu ne na.

Yoannes 16:20 ပူးပေါင်းရင်းမြစ်များ

Iyohaichish 30:11

Aokai anak ne ku ki yaituwashkarap itasare wa en rimsere nisa ruwe ne: Aokai ku goro aeshiyuk amip pita wa yainuchattek-i ani en kut-kore nisa ruwe ne.

Iyohaichish 30:5

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Iyohaichish 97:11

Pekere anak ne oupeka utara gusu aetoita wa an, Orowa, yainuchattek ambe anak ne keutum oupeka utara gusu aande wa an ruwe ne.

Mattaios 21:38

Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.

Mattaios 5:4

Yaituwashkarap utara anak ne anunuke ne; nei utara aomaoma ruwe ne kusu ne gusu ne na.

Markos 14:72

Orowa nani tu shuine niwatori chikap hau kon ruwe ne. Tata otta, — Tu shuine niwatori chikap hau koro etokota eani re shuine En eshina kusu ne na, ani an itak ani orota Yesu ye itak Petros eshikarun nisa ruwe ne. Awa, nei ambe esanniyo chiki shinuma chish nisa ruwe ne na.

Markos 16:10

Nei guru anak ne hoshiki no, Shinuma tura no okai yaituwashkarap hemhem ki, chish hemhem ki shiri okai utara otta oman wa nure nisa ruwe ne.

Roukos 22:45

Orowa, inonno-itak orowa hopuni wa koikara utara orota ek, aige, nei utara ramusarak gusu mokoro wa okai shiri nukara, awa, orota ene itak-hi :—

Roukos 22:62

Aige, shinuma soine wa poron no chish nisa, ruwe ne na.

Roukos 23:27

Orowa, utara inne topaha utara hemhem, Shinuma echish hemhem ki, eyaituwashkarap hemhem ki koro okai shiwentep utara Shinuma oshi paye nisa ruwe ne.

Roukos 24:17

Orowa, nei utara otta Shinuma ene itak-hi :— Echi payekai rapoketa hemanda orushpe gusu echi utashpa uwe-itak ya? ani itak. Orowa, nei utara okna iporo yaikosange wa roshki nisa ruwe ne.

Roukos 24:21

Koroka, Shinuma anak ne Israeru un utara kikiraye kuni guru ne kuni chi utara chipachipa nisa ruwe ne. Awa, naa nei moshima anak, tap okaibe hetuku orowa no tanto rereko ne ruwe ne.

Roukos 6:21

Tane ibe-rusui utara, echi utara, anunuke ne, echi akironnure kusu ne gusu ne na. Tane chish utara, echi utara, anunuke ne, echi mina kusu ne gusu ne na.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Yoannes 16:6

Koroka, tap okaibe echi otta Ku ye gusu echi sambe anak ne ok ani aeshik ruwe ne.

Yoannes 20:20

Orowa, tap ye okere chiki koro teke hemhem, ut hemhem nei utara otta nukare nisa ruwe ne na. Awa, koikara utara Utarapa nukara chiki, yaikopuntek nisa ruwe ne.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 5:11

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

I Tessaronike 1:6

Orowa, echi utara anak ne poron no aeramchuptek ambe newa Ashkanne Ramat oma yaikopuntek-hi tura itak uk hine chi utara newa Utarapa a un eikoisamba utara ne akan ruwe ne;

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Ekambakbe 11:10

Orowa, moshiri kata oshiroma utara anak ne nei okaibe gusu nupetne wa yaikopuntek; aige, utashpa eikrap korara kusu ne; inambe gusu ne yakun, tan tu uweingarape moshiri kata oshiroma utara panakte nisa ruwe ne gusu ne na.

Ekambakbe 18:7

Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.