Yoannes 16:14 - Ashiri Aeuitaknup Iyohaichish Yona 1897

¹⁴ Shinuma En ko-oripakte kusu ne: Ku korobe Shinuma uina wa echi nure kusu ne gusu ne na.

Yoannes 16:14 ပူးပေါင်းရင်းမြစ်များ

Yoannes 14:21

Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.

Yoannes 15:26

Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

I Korintos 12:3

Tambe gusu, nen ne yakka Ramat chiitakte gusu Yesu ANATEMA ne sekoro ye guru isama ari an ambe echi nure ash ruwe ne; shui, Ashkanne ramat chiitakte gusu shomoki yakne, — Yesu Utarapa ne sekoro nen ne yakka ye eaikap ruwe ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

I Petros 2:7

Tambe gusu, eishokoro ki echi utara gusu tan aeoripak ambe an: koroka, shomo eishokoro ki utara gusu, Chisei kara utara emaka shuma anak ne, Nei shuma anak shikkiu sapane shuma ne akara nisa ruwe ne;

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

I Yoannes 5:6

Wakka newa kem gusu ek gurʼanak, tambe anak ne Yesu Kiristo ne ruwe ne; ouse wakka gusu patek shomo ne, koroka, wakka gusu ne yakka kem gusu ne yakka an ap ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.