Yoannes 15:5 - Ashiri Aeuitaknup Iyohaichish Yona 1897

⁵ Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

Yoannes 15:5 ပူးပေါင်းရင်းမြစ်များ

Mattaios 13:21

orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 5:19

Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.

Yoannes 9:33

Tan guru anak ne Kamui orowa no an guru shomo ne yakun, nep ne yakka ki eaikap ruwe ne, ari itak.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 12:5

chi utara ne yakka inne utara ne, koroka, Kiristo otta shine netobake chi ne, orowa, pishno pishno uweutashpa an awehe chi ne ruwe ne na.

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

I Korintos 10:16

Chi nunuke ash shinnunuke an itangi anak ne Kiristo koro kemihi gusu an ukotura ikichi ambe shomo ne ruwe he an? Chi meshpa ash pantak anak ne Kiristo kon netobake gusu an ukotura ikichi ambe shomo ne ruwe he an?

I Korintos 12:12

Netobake anak ne shinep ne wa inne awehe koro, orowa, netobake koro obitta no okai awehe innep ne wa shine netobake ne korachi; tapne nei no Kiristo ne yakka an ruwe ne.

I Korintos 12:27

Echi utara anak ne Kiristo kon netobake ne, orowa, okai kuni gusu an ushike kotuk awehe echi ne ruwe ne.

II Korintos 13:8

Inambe gusu ne yakun, chi utara anak ne nei sonep epokba eaikap, koroka, nei ambe gusu iki eashkaibe ne ruwe ne gusu ne na.

II Korintos 9:10

Orowa, etoita guru otta piyehe sange, ibe kuni gusu aep sange gurʼanak ne aetoita gusu echi koro piyehe porore wa kore hemhem ki, echi ki oupeka an ibehe innere hemhem ki kusu ne na:

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 4:13

ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

Piripoi 4:17

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

Yakob 1:17

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

I Petros 2:4

utara orowa no aemaka yakka, Kamui numge shiknu wa an aeoripak an shuma ne Shinuma orota araki yan;

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.