Yoannes 15:25 - Ashiri Aeuitaknup Iyohaichish Yona 1897

²⁵ Koroka, nei utara koro tuitak otta anuye wa an ap auweomare kuni gusu, — Ikkewe sak no nei utara En etunne nisa ruwe ne.

Yoannes 15:25 ပူးပေါင်းရင်းမြစ်များ

Iyohaichish 109:3

Etunne itak ani ne yakka en nikkotama, Ikkewe sak no en koiki nisa ruwe ne.

Iyohaichish 35:19

En epokba utara iteki shunge wa en gusu yainuchattek kuni ne kara wa en kore: Shui, ikkewe sakno en etunne utara iteki en orun shikrewerewe kuni ne kara wa en kore.

Iyohaichish 69:4

Ikkewe sak no en etunne utara anak ne ku otop tu kasu no inne ruwe ne. Nei ikkewe sak no en epokba wa en isamka rusui utara anak ne okirashnu ne: Shomo ku koro wa oman ambe, ku hoshipire ruwe ne na.

Iyohaichish 7:4

Itomo irenga ikore guru otta wenbe ku kara yakun, (Shomo, ikkewe sak no en ramushitnere guru ku kashiobiuki nisa ruwe ne):

Mattaios 10:8

Tashum utara iwangere, rai utara hetopo-shiknure, munin tashum ki utara ashkannere, nitne kamui oashinge yan: oro isam no echi eungerai, oro isam no koropare yan.

Roukos 24:44

Orowa, nei utara orota Shinuma ene itak-hi :— Kuani naa echi tura no an rapoketa echi otta Ku ye itak ambe tambe ne ruwe ne, — Mose tuitak otta hene, Uweingarape otta hene, Iyohaiochish otta hene En gusu otai obitta no anuye wa an okaibe auweomare tusu ne ap ruwe ne na, sekoro itak.

Yoannes 10:34

Orota Yesu ene ese-hi :— Kamui utara echi ne sekoro Ku ye, ani an itak ambe anak ne echi koro tuitak kambi kata anuye wa an shomo ne ya?

Yoannes 13:18

Obitta no okai echi utara epeka no Ku ye shomoki: Kuani Ku numge guru Ku eraman: koroka, Kamui nuye itak auweomare kuni gusu, Ku goro aep ibe guru anak ne En epeka koro keshup puni nisa ruwe ne.

Yoannes 19:36

Inambe gusu ne yakun, — Tap okaibe hetuku ikkewehe anak ne, — Shinuma koro shine pone ne yakka shomo kaye kusu ne, ari an Kamui nuyere itak auweoma kuni gusu an ap ne.

Roma 3:19

Nep ne yakka tuitak ye okaibe anak ne nei tuitak choropoketa okai utara otta ye ruwe ne sekoro chi eraman; tambe anak ne obitta no okai utara koro paroho aseshke hine moshirʼebitta Kamui orowa no akoipishi kusu ne a ambe ne:

Roma 3:24

aige, oro-isam no Kiristo Yesu gusu an kikiraye ambe ani Shinuma korʼirenga ankushkerai aoupekare shiri an:

II Korintos 11:7

Samata, echi utara ariknare kuni ne kuani yaieoripakka hine oro sak no Kamui pirika shongo ku eupaskuma gusu katpak ku ki nisa mwe he an?

Garatea 2:21

Kamui irenga shomo ku isamka; inambe gusu ne yakun, aoupekare ambe anak ne tuitak gusu an ambe ne chiki, Yesu raka-isam no rai nisa ruwe ne gusu ne na.

II Tessaronike 3:8

samata, oro sange shomoki no inan guru koro aep shomo chi e, koroka, echi tumuge un inan guru ne yakka iteki airamukurukuru kuni ne tokap ne yakka anchikara ne yakka monraige wa nuwap nisa ruwe ne:

Ekambakbe 21:6

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

Ekambakbe 22:17

Orowa, Ramat newa nei hoku akore kuni mat anak ne “Araki yan,” ari itak. Orowa, nu gurʼanak ne, shinuma anak “Araki yan,” ari ye yan. Samata iku rusui guru, araki yan: kon rusui guru anak ne rengaine oro isam no nei inotu oma wakka uk yan.