Yoannes 15:21 - Ashiri Aeuitaknup Iyohaichish Yona 1897

²¹ Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.

Yoannes 15:21 ပူးပေါင်းရင်းမြစ်များ

Iyohaichish 69:7

Aokai gusu kuani anak ne a en esapse nisa; Yashitoma ambe anak ne ku nanuhu kamure nisa ruwe ne.

Mattaios 10:18

ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 10:39

Kon ramat pa gurʼanak ne, nei ambe turainu kusu ne; orowa, Ku rengap gusu kon ramat turainu gurʼanak ne, ramat pa kusu ne ruwe ne na.

Mattaios 24:9

Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta, no okai uirup orowa no echi aepokba an kusu ne.

Mattaios 5:11

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.

Markos 13:13

Samata, echi utara anak ne Ku reihei rengap gusu obitta no okai utara orowa no aetunne kusu ne: koroka, kesehe pakno yaishiporore guru anak ne, nei guru anak kashi-a-obiuki kusu ne na.

Roukos 21:12

Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.

Roukos 21:17

Orowa, Ku reihei ankushkerai gusu echi utara obitta no okai utara orowa no aetunne kusu ne.

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 15:24

Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.

Yoannes 16:3

Nei utara Michi eamkiri shomoki, En eamkiri ka shomoki gusu tap okaibe ki kusu ne.

Yoannes 17:25

Aa oupeka an Michihi! Moshiri anak ne Aokai eamkiri shomoki, koroka, Kuani anak ne E eamkiri nisa ruwe ne; orowa, tan okai utara anak ne Aokai En omande sekorʼambe eraman nisa ruwe ne:

Yoannes 8:19

Tambe gusu, Shinuma otta nei utara ene itak-hi :— E koro Michi neita an ruwe? Yesu ene ese-hi :— Echi utara anak ne seenne En eamkiri hene ki, seenne Ku Michi eamkiri hene ki ruwe ne: echi En eamkiri chiki, Ku Michi ne yakka echi eamkiri kusu ne ap, ari itak.

Yoannes 8:54

Yesu ene ese-hi :— Kuani anak ne yaikota yai-nupekte chiki, Ku nupeki anak ne raka sak ruwe ne: En nupekte guru anak ne Ku Michi ne ruwe ne; Shinuma anak echi koro Michi sekoro echi ye ruwe ne;

Yoannes 8:55

orowa, echi utara anak ne Shinuma eamkiri shomoki: koroka, Kuani anak Shinuma eamkiri ruwe ne; orowa, Shinuma Ku eamkiri shomoki sekoro Ku ye yak anak ne, echi utara korachi shunge guru Ku ne kusu ne ap: koroka, Kuani anak ne Shinuma eamkiri wa koro itak Ku shikkashima ruwe ne na.

Apostoro ikip oma kambi 17:23

Inambe gusu ne yakun, ku apkash rapoketa otta echi ko-ongami okaibe ku ingara chiki, — Aeramushkari Kamui gusu-ani an itak ani kashita anuye wa an Yange set ku nukan nisa ruwe ne gusu ne na. Erampeutek no echi koongami ambe kuani echi nure ash na.

Apostoro ikip oma kambi 26:9

Son no poka kuani yaikota ne yakka Nazaret kotan un Yesu sekorʼan reihei epeka inne keshkep ikichi ambe ku ki kunip ne sekoro ku yainu nisa.

Apostoro ikip oma kambi 3:17

Awa, tane iriwak utara, echi esapane utara poka iki korachi, echi utara ne yakka eramushkare no iki kuni ku ramu.

Apostoro ikip oma kambi 4:17

Koroka, utara tumta tap orushpe shomo shipirasa kuni gusu, nei utara tewa no tan ainu reihei gusu shomo itak kuni pakashnu yanro, ari itak.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Apostoro ikip oma kambi 9:14

orowa, obitta no okai E kon reihei ko-nishuk utara tupetupe kuni mondum Kamui kora kenru poro esapane utara orowa no akore na.

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

I Korintos 15:34

Oupeka an no mosh wa iteki katpak ki: an utara anak ne Kamui eramushkare ruwe ne gusu ne na: echi utara ayainikoroshmare kuni gusu tambe ku ye ruwe ne.

I Korintos 2:8

tan moshiri epungine utara obitta erampeutek ruwe ne: inambe gusu ne yakun, nei utara eraman chiki, nupeki koro Utarapa utasa chikuni otta kungi kokikkik shomoki a nangon na:

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

III Yoannes 1:7

inambe gusu ne yakun nei Reihei irenga gusu nei utara oya kotan un utara orowa no nep ne yakka uk shomoki no paye nisa ruwe ne gusu ne na.

Ekambakbe 2:3

aige, eani yaiyupupu an wa Ku reihei gusu yaishiporore hine shomo tumutui ruwe ne.