Yoannes 15:2 - Ashiri Aeuitaknup Iyohaichish Yona 1897

² En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.

Yoannes 15:2 ပူးပေါင်းရင်းမြစ်များ

Iyohaichish 92:14

Onne yakka ibehe hetukure; Fukinani an wa pe eshik kusu ne

Mattaios 13:12

Inambe gusu ne yakun, nen ne yakka koro guru otta akore wa nuye an no shinuma koro kusu ne; koroka, nen ne yakka koro shomoki gurʼanak ne, koro wa an ambe ne yakka auk kusu ne gusu ne na.

Mattaios 13:33

Naa shine itak-maukushte-itak ani nei utara otta Shinuma ye nisa ruwe ne; Kando moshiri anak ne shiwentep orowa auk wa koho re chomba oshiketa anuina, nei okaibe obitta shipushkere pan-dane koheraye ruwe ne, ani itak.

Mattaios 15:13

Koroka, Shinuma ese wa ene itak-hi :— Nep aetoitap ne yakka kando otta an Ku goro Michi orowa no aetoita shomoki yak anak ne arishpa kusu ne na.

Mattaios 21:19

Awa, ru paruruta shine ichijiku chikuni an wa nukara hine orota oman wa ibehe sak chikuni ne, ouse ham patek an ruwe ne; nei ambe orota Shinuma ene itak-hi :— Tewa no hembara pakno ne yakka iteki nikaop hetukure yan, ari itak. Orowa, nani nei a ichijiku chikuni shumumge nisa ruwe ne.

Mattaios 25:29

Inambe gusu ne yakun, nen ne yakka koro guru otta akore kusu ne, aige, shinuma nuye an no koro: koroka, koro shomoki guru orowa no korobe poka auk kusu ne na.

Mattaios 3:10

Tane poka mukara anak ne ni shinrit otta aande ruwe ne: tambe gusu, pirika ibehe shomo hetukure obitta no okai chikuni anak ne aotuiba wa abe oshiketa aosuruba kusu ne.

Mattaios 3:12

koro tekehe otta mui koro wa tomte no koro atuituye ushike ashkannere kusu ne: orowa, mungi uwe-karapare wa puhu otta omare; muruhu anak ne aushka eaikap abe ani uhuika kusu ne na.

Mattaios 7:19

Nep chikuni ne yakka pirika ibehe hetukure shomoki chiki, aotuye wa abe orota aomare ruwe ne.

Markos 4:20

Orowa, pirika toi kata aetoitap anak ne tambe ne, nei utara itak nu wa koro, orowa, wan e tu hotne pakno hene, re hotne pakno hene, ashikne hotne pakno hene ibe-o ruwe ne.

Roukos 8:13

Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Yoannes 15:1

Kuani anak ne son no hat pungara Ku ne ruwe ne, orowa, Ku Michi anak nei toita guru ne ruwe ne.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 15:3

Tane echi otta Ku ye okere itak gusu echi utara anak ne turu-sak wa okai ruwe ne.

Yoannes 15:6

Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.

Yoannes 15:8

Tambe otta Ku Michi anak ne aeoripak an, echi utara poron no ibe o;

Yoannes 17:12

Kuani nei utara tura no Ku an rapoketa, Aokai En kore reihei otta nei utara Ku shikkashima nisa ruwe ne: Kuani nei utara Ku epungine nisa ruwe ne, orowa, Kamui nuyere itak auweomare kuni gusu aisamka kuni poho moshima shinen ka seenne isam ruwe ne.

Roma 11:17

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

Roma 11:22

Tambe gusu, Kamui pirika irenga newa yupke irenga ingara: hachiripa utara epeka, yupke irenga; koroka, aokai epeka, Shinuma sange pirikap otta e an chiki, Kamui pirika irenga an na: shomo ne chiki aokai aotuye kusu ne na.

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

I Korintos 13:1

Usa okai ainu itak ani hene Kamui hauturumbe itak ani hene ku itak yakka, omap ambe ku sak chiki, humi ash shiunin kani hene, iyenenumba nyohachi hene korachi ku ne ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 12:15

nen ka Kamui irenga gusu eyaikoemaka guru an ya shomo ya irammakaka ingara yan; ikineipeka shiu shinrit ika hetuku wa echi keutum-chiukopoyere hene ki, ani inne utara turu-ushte hene ki na;

I Yoannes 2:19

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

Ekambakbe 3:19

Ku omap utara obitta Ku pakashnu wa Ku shirikik ruwe ne: tambe gusu,