Yoannes 15:19 - Ashiri Aeuitaknup Iyohaichish Yona 1897

¹⁹ Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—

Yoannes 15:19 ပူးပေါင်းရင်းမြစ်များ

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 24:9

Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta, no okai uirup orowa no echi aepokba an kusu ne.

Roukos 6:32

Echi omap guru echi iyomap yakun, nekon a irenga an ya? chikokatpak utara ne yakka iyomap utara omap ruwe ne gusu ne na.

Yoannes 13:18

Obitta no okai echi utara epeka no Ku ye shomoki: Kuani Ku numge guru Ku eraman: koroka, Kamui nuye itak auweomare kuni gusu, Ku goro aep ibe guru anak ne En epeka koro keshup puni nisa ruwe ne.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 6:70

Nei utara otta Yesu ene ese-hi :— Echi tun ikashima wa niu Ku numge shomoki ya? orowa, echi shinen anak ne nitne kamui shomo ne ruwe he an? ani itak.

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

I Petros 4:3

Inambe gusu ne yakun, oya moshiri un utara ki rusuibe gusu shiokere pakihi anak ne pakno ne nangoro, samata, ramupekere ambe otta hene, ibeporore ambe otta hene, iku-rui ambe otta hene, iku-sakayo otta hene, iku ambe hene, katpak an potoki ko ongami ambe otta hene, apkash gusu shiokere pakihi anak ne pakno ne nangoro:

I Yoannes 3:12

nitnep orowa no an wa koro akihi kewe-uk Kain korachi shomo ne ruwe ne Orowa, nep gusu shinuma kewe-uk a? koro ki ikip wen wa, akihi ki ikip oupekap ne ruwe ne gusu ne ruwe tapan na.

Ekambakbe 12:17

Orowa, kinashutunguru anak ne nei shiwentep epeka irushka, aige, Kamui ikashpaotte shikkashima wa Yesu iki paweteshu ambe koro moshima okai nei shiwentep koro san-ikiri epeka kotumikoro gusu arapa nisa ruwe ne: orowa, nei ambe atui-sam kata ash kane an na.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.