Yoannes 15:12 - Ashiri Aeuitaknup Iyohaichish Yona 1897

¹² Kuani echi omap ash korachi echi utara utashpa uweomap kuni ambe anak ne, tambe anak Ku ki ikashpaotte ne ruwe ne.

Yoannes 15:12 ပူးပေါင်းရင်းမြစ်များ

Yoannes 13:34

Echi utara utashpa uweomap kuni ashiri ikashpaotte echi kore ash na: Kuani echi omap ash korachi, echi utara ne yakka utashpa uweomap kuni gusu ne na.

Yoannes 15:17

Echi utara utashpa uweomap gusu, tap okaibe echi kashpaotte ash na.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

I Tessaronike 3:12

epeka chi utara ne yakka iki nei no Utarapa anak ne uweutashpa echi omap wa nuye an no echi kire kuni akoramkon na;

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:21

Kamui omap guru anak ne koro iriwak ne yakka omap kuni sekorʼan ipawetenge Shinuma orowa no a un kore nisa ruwe ne na.

II Yoannes 1:5

Orowa, tane akoro shiwentep, onishnishi ku ki-hi; ashiri ikashpaotte aokai gusu ku nuye korachi shomo ne, koroka, atpake wano chikorobe ne, nei ambe anak ne, uweutashpa uweomap ash ambe ne ruwe ne.