Yoannes 14:6 - Ashiri Aeuitaknup Iyohaichish Yona 1897

⁶ Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 14:6 ပူးပေါင်းရင်းမြစ်များ

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 1:4

akara shomoki nisa ruwe ne Shinuma otta inotu an, inotu anak ne utara pekere ne ruwe ne.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 10:7

Tambe gusu, shui, nei utara otta Yesu ene itakhi :— Son no, son no, echi otta Ku ye, Kuani anak ne hitsuji apa Ku ne ruwe ne.

Yoannes 10:9

Kuani anak nei apa Ku ne: En kari otta ahun guru an chiki, kashi-a-obiuki kusu ne, orowa, ahun hemhem ki, soine hemhem ki wa aep koro kusu ne na.

Yoannes 14:19

Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne.

Yoannes 15:1

Kuani anak ne son no hat pungara Ku ne ruwe ne, orowa, Ku Michi anak nei toita guru ne ruwe ne.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 6:33

Inambe gusu ne yakun, Kamui aep anak ne Kando wano ran wa moshiri otta inotu kore ambe ne ruwe ne gusu ne na, sekoro itak.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Yoannes 6:57

Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Yoannes 8:32

samata, sonep echi eraman kusu ne, orowa, nei sonep anak ne echi honnere kusu ne na.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Apostoro ikip oma kambi 9:2

toada nei Ruhu koro ainu ne yakka shiwentep ne yakka anukara chiki, tupetupe wa Yerusarem kotan otta tekepashte kuni kambi koramkon nisa ruwe ne na.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

Epesos 2:18

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

Korosai 2:17

tap arabe anak ne ek kushki okaibe gusu an kurihi ne; koroka netobake anak ne Kiristo korobe ne ruwe ne.

Korosai 2:9

inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

Hebraios 9:8

nei hoshiki no an kash ash wa an rapoketa Ashkanne ushike orun paye kuni ruhu naa shomo asarare an sekorobe Ashkanne Ramat nei ambe ani epakashnu ruwe ne;

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Petros 2:4

utara orowa no aemaka yakka, Kamui numge shiknu wa an aeoripak an shuma ne Shinuma orota araki yan;

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Yoannes 1:8

Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.

I Yoannes 2:23

Nen ne yakka Poho eshikashke gurʼanak ne nei guru anak Michi shomo koro: Poho pushpusu guru anak ne Michi ne yakka kon ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

I Yoannes 5:6

Wakka newa kem gusu ek gurʼanak, tambe anak ne Yesu Kiristo ne ruwe ne; ouse wakka gusu patek shomo ne, koroka, wakka gusu ne yakka kem gusu ne yakka an ap ne.

II Yoannes 1:9

Nen ne yakka iki wa Kiristo koro epakashi otta oshiroma shomoki gurʼanak ne, Kamui koro shomoki ruwe ne: Shinuma koro epakashi otta oshiroma gurʼanak ne, Shinuma anak Michi hemhem Poho hemhem kon ruwe ne na.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 19:11

Orowa, kando makke ambe ku nukara; awa, ingarʼan, shine retara umma an, aige, kata o guru anak ne Ikipniukesh newa Sonep ani aporose; orowa, shinuma oupeka no koipishi hemhem ki tumi hemhem kon ruwe ne.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 22:1

Orowa, shinuma anak ne nei nachiya onnaigeta,

Ekambakbe 22:17

Orowa, Ramat newa nei hoku akore kuni mat anak ne “Araki yan,” ari itak. Orowa, nu gurʼanak ne, shinuma anak “Araki yan,” ari ye yan. Samata iku rusui guru, araki yan: kon rusui guru anak ne rengaine oro isam no nei inotu oma wakka uk yan.

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

Ekambakbe 3:7

Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne: