Yoannes 14:30 - Ashiri Aeuitaknup Iyohaichish Yona 1897

³⁰ Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 14:30 ပူးပေါင်းရင်းမြစ်များ

Roukos 1:35

Tata otta nei hauturumbe ese wa shinuma otta ene itak-hi :— Ashkanne Ramat ekashi keta ek wa Iyotta Rikunrbe kiroro e kamu kusu ne; tambe gusu, eani orowa no hekatu kusu ne ap anak ne “Ashkannep” ani aye, Kamui Roho ani aye kusu ne na.

Roukos 22:53

Kuani kesto echi tura no Kamui kora kenru ta Ku an ita anak ne En kishima kuni shomo echi ki: koroka, tambe anak ne echi koro pakihi ne, kunne-i kiroro ne ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Apostoro ikip oma kambi 1:3

Shinuma ayairamshitnere okaketa inne no okai shirosh ani shiknu wa an wa nei utara otta yainukare ne yakka ki hine tu hotne rereko uturuta nei utara otta anukara wa, Kamui moshiri gusu an orushpe nure nisa ruwe ne:

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 7:26

Inambe gusu ne yakun, nei no an, ashkanne, wen-buri isam, turu-sak, chikokatpak utara wano shinnai no aande wa kando kasu no eetasa ri no akara Kamui otta yaishieiwangere iyotta pase guru un gusu aatte ruwe ne;

I Petros 1:19

koroka, turu-sak no echi-sak no an pon hitsuji korachi an Kiristo koro nupuru kem ani poka echi kikiaraye an na:

I Petros 2:22

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

I Yoannes 5:18

Nen ne yakka Kamui orowa no hekatu gurʼanak ne katpak shomo ki ruwe ne sekoro chi eraman; koroka, Kamui orowa no hekaturep anak ne Shinuma shikkashima, orowa, wenbe anak ne shomo shinuma tomooshma ruwe ne.

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.