Yoannes 14:26 - Ashiri Aeuitaknup Iyohaichish Yona 1897

²⁶ Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.

Yoannes 14:26 ပူးပေါင်းရင်းမြစ်များ

Iyohaichish 51:11

E shik-sam wano iteki en emaka wa en kore; Shui, en orowa no iteki E koro Ashkanne ramat uk wa en kore,

Mattaios 1:18

Yesu Kiristo hekatu katuhu anak ne tapne ne ruwe ne: Koro habo Maria anak ne Yosep otta akopakashnu wa an rapoketa, naa shomo uorepa ita, Ashkanne Ramat gusu honkoro wa an-i anukan ruwe ne.

Mattaios 1:20

Aige, tap ambe eyaikoshiramse rapoketa heta, ingarʼan Utarapa uitekbe wendarap ani Yosep orota ek hine ene itak-hi; — Dabid sanike ne Yosep, e kon machi honkoro katuhu anak ne Ashkanne Ramat an ambe ne gusu, e koro machi koro kuni iteki ishitoma.

Mattaios 28:19

Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:

Mattaios 3:11

Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Markos 12:36

Dabid anak ne yaikota Ashkanne Ramat ani, Utarapa anak ne ku Utarapa otta, ene itak-hi :— E epokba utara kata e chikiri aande kunip ne ku kara pakno, Ku shimon tek samata a, sekoro itak.

Markos 13:11

Orowa, utara echi ani wa ekoshi ita, nekon a katu an itak ani ye ya, iteki etokota nishomap yan; koroka, nei pakihi ta nep ne yakka echi koropare an ambe ani echi ye kusu ne; echi yaikota ye itak shomo ne, Ashkanne Ramat ye itak ne ruwe ne gusu ne na.

Roukos 1:15

Orowa, shinuma anak ne Utarapa teksamata pase kusu ne, tonoto hene sikera hene iku shomoki, orosama, koro habo orowa hekatu wano Ashkanne Ramat ani aeshik kusu ne na.

Roukos 1:35

Tata otta nei hauturumbe ese wa shinuma otta ene itak-hi :— Ashkanne Ramat ekashi keta ek wa Iyotta Rikunrbe kiroro e kamu kusu ne; tambe gusu, eani orowa no hekatu kusu ne ap anak ne “Ashkannep” ani aye, Kamui Roho ani aye kusu ne na.

Roukos 1:41

Orowa, Erizabet anak ne Maria erangarap itak nu ita, honi ta an aiai tereke nisa ruwe ne;

Roukos 1:67

Koro michi Zakarias anak ne Ashkanne Ramat ani aeshik wa uweingara hine ene itak-hi :—

Roukos 11:13

Tambe gusu echi utara, wen utara echi ne wa pirika ambe echi po utara otta koropare katu eramʼan yakun, kasu no, otta koramkoro utara orota kando un Michi anak koro Ashkanne Ramat koropare shomoki ya?

Roukos 2:25

Orowa, Yerusarem kotan ta Simeon ani an reihei koro shine ainu an, nei guru anak ne oupeka newa Kamui eoripak ainu ne, Israeru un utara omaoma kunip chipachipa korʼan ruwe ne:

Roukos 24:49

Orowa, ingarʼan, Ku Michi eitakamkire ambe echi kashiketa Ku sange: koroka, ri i orowa no kiroro ani echi mire an pakno machiya otta untere yan, sekoro itak.

Roukos 3:22

aige, Ashkanne Ramat kusuwep netobake katuhu nei no an katuhu koro wa ran hine kashiketa ek, samata, kando orowa hawe anu, — Aokai anak ne Ku omap an Roho ne; Kuani Aokai shiri enupetne ruwe ne, ari itak.

Yoannes 1:33

Orowa, kuani Shinuma eamkiri shomoki, koroka, wakka ani baptisma kore gusu en ettep anak ne, Shinuma en orota ene ye-hi :— Ramat ran wa kashiketa reu guru e nukara chiki, Shinuma anak Ashkanne Ramat ani Baptisma kore guru ne ruwe ne, sekorʼan itak ani en otta ye nisa ruwe ne.

Yoannes 12:16

Koro koikara, utara anak ne atpaketa tap okaibe erampeutek: koroka, Yesu anak anupekte okaketa, nei ita anak ne tap okaibe Shinuma gusu chieshinnuye wa an shiri, samata, tap okaibe Yesu gusu iki nisa ruwe ne shiri, eshkarun nisa ruwe ne na.

Yoannes 14:16

Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:

Yoannes 14:25

Echi tura no Ku an rapoketa tap okaibe echi otta Ku ye nisa ruwe ne.

Yoannes 15:26

Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 2:22

Tambe gusu, Shinuma rai-i orowa no hetopo-ashiknure chiki, tap itak ani Shinuma itak nisa sekoro koro koikara utara eshkarun; orowa, Kamui kambi-sosh newa orota Yesu ye itak shinuma utara eishokon nisa ruwe ne.

Yoannes 20:22

Tap ambe ye okere chiki nei utara kashiketa heise ki wa orota ene itak-hi :—

Yoannes 6:45

Obitta no okai nei utara anak ne Kamui orowa no aepakashnu an kusu ne, sekorʼan orushpe uweingara kambi kata anuye wa an ruwe ne. Nen ne yakka Michi otta nu wa eyaihannokkara guru anak ne pishno En orun ek ruwe ne.

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

Apostoro ikip oma kambi 1:2

Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne:

Apostoro ikip oma kambi 1:4

aige, nei utara tura no uwekarapa wa an ita Yerusarem kotan orowa no shomo paye kuni ne, koroka, En orowa no echi nu a Michihi kara aeitakamkire ambe ehuye wa okai yan ani ikashpaotte ki nisa ruwe ne:

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 11:16

Orowa, — Yoannes anak ne wakka ani son no baptisma kore, koroka, echi utara anak ne Ashkanne Ramat ani baptisma akore kusu ne ari an itak ani Utarapa ye ambe ku eshkarun nisa ruwe ne.

Apostoro ikip oma kambi 13:2

Awa, nei utara Utarapa otta yaishieiwangere wa shomo ramnu ki rapoketa, Ashkanne Ramat ene itak-hi :— Gusu Ku hotuyekara wa tak moni otta Barnabas newa Sauros shinnai no ande yan, ari itak.

Apostoro ikip oma kambi 13:4

Tambe gusu, nei utara Ashkanne Ramat ani apayere okere chiki Sereukeia kotan orun sap; orowa, nei i wano Kupros oruu atuitomotuye nisa ruwe ne.

Apostoro ikip oma kambi 15:28

Inambe gusu ne yakun, tap okai an kuni gusu ne ambe moshima an poro ashikerep ani shomo echi shikere kuni Ashkanne Ramat otta ne yakka, un otta ne yakka pirika kunak aramu;

Apostoro ikip oma kambi 15:8

Orowa, keutum eraman Kamui anak ne nei utara gusu paweteshu ki wa, un orun korachi, nei utara otta ne yakka Ashkanne Ramat kore nisa ruwe ne;

Apostoro ikip oma kambi 16:6

Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na;

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Apostoro ikip oma kambi 2:4

Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

Apostoro ikip oma kambi 20:35

Nep ne yakka gusu kuani echi epakashnu nisa; nei no echi monraige wa turasak utara kaobiuki kunip echi ne, orowa, Utarapa ne Yesu Shinuma yaikota ye itak ahupkara kasu no kore katu anak naa anunuke ambe ne ruwe ne, sekorʼan ambe echi eshkarun kunip ne ruwe ne.

Apostoro ikip oma kambi 28:25

Orowa, nei utara anak ne uwe-shine keutum koro eaikap chiki, Pauros shine itak ye okaketa paye nisa ruwe ne; ene shinuma itak-hi :— Ashkanne Ramat anak ne Isaya ani echi koro ekashi otta ene itak-hi :—

Apostoro ikip oma kambi 5:3

Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?

Apostoro ikip oma kambi 7:51

Okkeu nitturinne sambe newa kisaraha shomo okarituye buri akire utara, ramina Ashkanne Ramat echi shishire ruwe ne: echi koro ekashi utara korachi, nei no echi ikichi ruwe ne.

Apostoro ikip oma kambi 7:55

Koroka, Stepanos anak ne Ashkanne Ramat ari aeshik wa kando orun yaikashioingara pirika, awa, Kamui nupeki nukara, samata, Kamui shimon tek-samata ash wa an Yesu nukanʼnisa ruwe ne;

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

I Korintos 12:3

Tambe gusu, nen ne yakka Ramat chiitakte gusu Yesu ANATEMA ne sekoro ye guru isama ari an ambe echi nure ash ruwe ne; shui, Ashkanne ramat chiitakte gusu shomoki yakne, — Yesu Utarapa ne sekoro nen ne yakka ye eaikap ruwe ne na.

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

II Korintos 13:14

Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

II Korintos 6:6

eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

I Tessaronike 4:8

Tambe gusu, emaka gurʼanak ne ainu emaka shomoki, koroka, echi otta Ashkanne Ramat koropare Kamui emaka ruwe ne na.

II Timoteos 1:14

Aokai ashikkashimare okere pirika ambe gusu anak, e onnaigeta oshiroma wa an Ashkanne Ramat ankushkerai epungine yan.

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Hebraios 10:15

Ashkanne Ramat ne yakka un otta paweteshu ki wa :—

Hebraios 2:4

Kamui ne yakka shirosh newa iyokunnurep newa inne no okai kirorobe newa yaikota rengaine an mondum an nei no Ashkanne Ramat eimekbe newa ani nei utara tura no paweteshu ki nisa ruwe ne na.

Hebraios 3:7

Tambe gusu, Ashkanne Ramat ye-hi korachi poka :— Tanto Shinuma koro hau echi nu kusu ne yak ne, Nei nup ta koramnukara an toho nei no,

Hebraios 9:8

nei hoshiki no an kash ash wa an rapoketa Ashkanne ushike orun paye kuni ruhu naa shomo asarare an sekorobe Ashkanne Ramat nei ambe ani epakashnu ruwe ne;

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

II Petros 1:21

Inambe gusu ne yakun, nep uweingarape ne yakka ainu rengaine gusu asangep shomo ne: koroka, utara anak ne Ashkanne Ramat ani apariri wa Kamui orowa no chiitakte nisa ruwe ne gusu ne na.

I Yoannes 2:20

Echi utara anak ne Ashkannep orowa no kashiketa aota utara echi ne wa obitta no okai echi utara anak ne nep ne yakka eraman ruwe ne na.

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

I Yoannes 5:7

Orowa, paweteshu ki ambe anak ne Ramat ne, Ramat anak ne son no ambe ne ruwe ne gusu ne na.

Youdas 1:20

Koroka, aomap an utara echi utara anak ne Ashkanne Ramat oshiketa inonno-itak ki,

Ekambakbe 2:11

Kisara koro guru auak ne karisia utara orun Ramat ye itak ambe nu yan. Annokara ki guru anak ne tu ikinne an rai ambe gusu awende shomoki kusu ne na.