Yoannes 14:2 - Ashiri Aeuitaknup Iyohaichish Yona 1897

² Ku Michi chisei ta inne oshiroma kuni ushike okai; shomo ne yakun, Kuani echi nure ash na; echi utara okai kuni ushike Ku etokooiki gusu Ku arapa ruwe ne gusu ne na.

Yoannes 14:2 ပူးပေါင်းရင်းမြစ်များ

Roukos 14:22

Orowa no, uitek guru ene itak-hi :— E ikashpaotte korachi aki na, yakka ushike an ruwe ne, ani itak.

Yoannes 13:33

Nokan utara! naa pon no uturuta echi tura no Ku an. Echi utara En hunara kusu ne; orowa, Yudea un utara otta, — Ku oman ushike un echi araki eaikap ruwe ne, Ku ye korachi, tane echi otta Ku ye ruwe ne.

Yoannes 13:36

Orota Simon Petros ene itak-hi :— Utarapa, ine orun E oman ya? ari itak. Yesu ene ese-hi :— Ku oman ushike un tane En osh e ek eaikap ruwe ne; koroka, okaketa En osh e ek kusu ne na.

Yoannes 14:28

Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.

Yoannes 16:4

Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 11:10

inambe gusu ne yakun, shinuma anak ne asamaha an machiya hunara nisa, nei ambe esanniyo wa kara guru anak Kamui ne ruwe ne gusu ne na.

Hebraios 13:14

Inambe gusu ne yakun, teda anak ramma an kuni machiya shomo chi koro, koroka, ek kusu ne ambe chi hunara ash shiriki okai ruwe ne.

Hebraios 6:20

Yesu anak ne Merukizedek ikiri nei no an korachi otusashuishiri pakno an Kamui otta yaishieiwangere iyotta pase guru ne akara wa chi utara gusu nei oshike un ahun nisa ruwe ne na.

Hebraios 9:8

nei hoshiki no an kash ash wa an rapoketa Ashkanne ushike orun paye kuni ruhu naa shomo asarare an sekorobe Ashkanne Ramat nei ambe ani epakashnu ruwe ne;

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 21:2

Orowa, ku nukarʼhike, nei ashkanne machiya, ashiri Yerusarem machiya, koro hoku gusu shipini wa yaitomtere okere tane akore kusu ne mat nei no an wa Kamui orowa no kando wano ran ap ku nukara.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.