Yoannes 14:17 - Ashiri Aeuitaknup Iyohaichish Yona 1897

¹⁷ moshiri anak Shinuma uk eaikap Shinuma nukara shomoki samata shomo Shinuma eamkiri gusu ruwe ne gusu ne na, echi utara anak ne Shinuma eamkiri; echi tura no oshiroma wa echi otta an kusu ne gusu ne na.

Yoannes 14:17 ပူးပေါင်းရင်းမြစ်များ

Mattaios 10:20

Echi yaikota ye itak shomo ne wa, echi koro Michi kon Ramat echi keutura oshiketa itak hawe ne ruwe ne.

Yoannes 14:16

Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:26

Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Yoannes 16:13

Koroka, nei Sone an Ramat anak ne ek wa an chiki, Shinuma anak obitta no okai sonep otta echi ani wa tura kusu ne: inambe gusu ne yakun, Shinuma anak ne Yaikota orowa no ye shomoki; koroka, Shinuma nu kusu ne okaibe obitta ye kusu ne gusu ne na: orowa, Shinuma anak ne ek kusu ne okaibe echi nure kusu ne ruwe ne.

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

I Korintos 14:15

Yakun, nekon ne ya? Kuani anak ne ramat ani ne yakka, eraman mondum ne yakka, inonno-itak ku ki kusu ne; ramat ani ne yakka, eraman mondum ani ne yakka, shinotcha ku ki kusu ne na.

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

II Korintos 13:5

Echi utara eishokor-i ta okai ruwe he an, shomo ruwe he an, yaikota yaikoramnukara yan, yaikota yai-uwande yan. Yesu Kiristo anak ne echi onnaigeta an sekoro yaikota gusu echi erampeutek ruwe he an? Shomo ne chiki echi utara aemakbap ne nangora.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Epesos 2:22

shukup ruwe ne; Shinuma otta echi utara ne yakka Ramat ani Kamui gusu an oshiroma-i echi kara an na.

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

II Timoteos 1:14

Aokai ashikkashimare okere pirika ambe gusu anak, e onnaigeta oshiroma wa an Ashkanne Ramat ankushkerai epungine yan.

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

I Yoannes 3:24

Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

I Yoannes 4:6

Chi utara anak ne Kamui orowa no an ambe chi ne: Kamui eamkiri guru un nu ruwe ne: Kamui orowa no shomo ne an guru anak ne un nu shomoki ruwe ne. Tambe ani son no an ramat newa ohaita wa an ramat chi eraman ruwe ne na.

I Yoannes 5:7

Orowa, paweteshu ki ambe anak ne Ramat ne, Ramat anak ne son no ambe ne ruwe ne gusu ne na.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.