Yoannes 14:12 - Ashiri Aeuitaknup Iyohaichish Yona 1897

¹² Son no, son no, echi otta Ku ye, En eishokoro guru anak ne Ku ki ikip nei guru ne yakka ki kusu ne; orowa, tambe kasu no poro ikip ki kusu ne; Michi orota Ku arapa ruwe ne gusu ne na.

Yoannes 14:12 ပူးပေါင်းရင်းမြစ်များ

Mattaios 21:21

Orowa, Yesu ese wa nei utara otta ene itak-hi :— Son no echi otta Ku ye, echi utara anak ne utumashi shomoki no eisho-toro yakun tan ichijiku chikuni otta aki korachi echi ki kusu ne ambe patek shomo ne, koroka, tan nupuri otta poka — Eani auk wa atui oshiketa aosura wa okai yan — ani echi ye chiki, aki kusu ne.

Markos 11:13

Shinuma ibe-rusui, awa, ehangeko no an ushiketa ham o ichijiku chikuni nukara, aige, nepka ibehe ao kuni ramu wa orota ek: awa, otta ek chiki ham moshima nep ne yakka isam ruwe ne; ibe o kuni pa shomo ne ruwe ne gusu ne na.

Markos 16:17

Orowa, tap okai shirosh anak ne eishokoro guru oshi araki kusu ne;

Yoannes 14:28

Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 4:37

Shinen etoita shinen nange sekorʼan itak tambe gusu son no ambe ne.

Yoannes 5:20

Inambe gusu ne yakun, Michi anak ne Poho omap wa nep ne yakka yaikota karabe Shinuma otta nukare: samata, echi utara enushkari kuni ne tap okaibe naa kasu no porobe Shinuma otta nukare kusu ne.

Yoannes 7:33

Tambe gusu, Yesu ene itak-hi :— Naa pon no uturuta echi tura no Ku an, orowa no En omandep otta Ku arapa kusu ne.

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

Apostoro ikip oma kambi 10:46

Nei utara anak ne moshima okai itak ani ye wa Kamui pasere ambe nu nisa rawe ne gusu ne na.

Apostoro ikip oma kambi 16:18

ne, ari itak. Inne toho uturuta shinuma nei no ki nisa ruwe ne. Koroka, Pauros anak ne shi no yairamkoiki wa gusu hosari hine nei ramat otta ene itak-hi :— Yesu Kiristo kon reihei ankushkerai nei guru orowa no oashin kuni e kashpaotte ash na, ari itak. Aige, nei pakihigeta nei ambe oashin nisa ruwe ne.

Apostoro ikip oma kambi 19:12

shinuma orowa no pon senkaki hene, maitari hene, shiyeyepa utara orota aomande, yakne, tashum isam hemhem ki, wen ramat oashin hemhem ki pakno ne ruwe ne.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Apostoro ikip oma kambi 2:41

Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne.

Apostoro ikip oma kambi 4:16

Tan utara eun nekon a chiki kusu ne ya? Shi no assuru ash shirosh nei utara gusu aki sekorʼambe anak, Yerusarem kotan ta oshiroma utara obitta eraman, aine, chi utara eshikashke eaikap ruwe ne.

Apostoro ikip oma kambi 4:33

Aine, poro kiroro ani nei Apostoro utara anak ne Utarapa ne Yesu hetopo-shiknu ambe gusu koro paweteshu ki nisa ruwe ne: awa, obitta nei okai utara kashi poro irenga an ruwe ne.

Apostoro ikip oma kambi 4:4

Koroka, nei itak nu inne utara eishokon nisa; nei ainu utara pishki-hi anak ne go sen nin ne ainu ukorachi ne ruwe ne.

Apostoro ikip oma kambi 5:15

utara anak ne machiya ruhu otta tashum ki utara sei wa shotki kata hene atarape kata hene hotkere pakno ne, tambe anak Petros shirikush chiki koro kuruhi poka nei utara tumuge un utara kashke-kamu kuni ne akarape ne ruwe ne.

Apostoro ikip oma kambi 6:7

Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.

Apostoro ikip oma kambi 8:7

Inambe gusu ne yakun, rui hawe ani hawe ash ichakkere ramat inne utara orowa no oaship: orowa, tusushke tashum eshiyeyeba utara hene, hera utara hene, inne no aiwangere nisa ruwe ne.

Apostoro ikip oma kambi 9:34

Orowa, shinuma orota Petros ene itak-hi :— Yesu Kiristo e iwangere na: hopuni wa shotki chupu, ari itak.

Apostoro ikip oma kambi 9:40

Koroka, Petros anak ne obitta no okai utara soyumbare chiki, kokkaea hine inonno-itak ki; orowa, nei kaisei orun hosari wa — Tabita, hopuni yan, ari itak.

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;