Yoannes 13:8 - Ashiri Aeuitaknup Iyohaichish Yona 1897

⁸ Orota Petros ene itak-hi :— Aokai anak ne oara ku chikiri furaye shomoki kusu ne, ari itak. Orota Yesu ene ese-hi :— Kuani e furaye ash shomoki yak anak ne En otta irenga e koro shomoki ruwe ne, sekoro itak.

Yoannes 13:8 ပူးပေါင်းရင်းမြစ်များ

Iyohaichish 51:2

Ku goro wen-buri gusu ara en furaye wa en kore, Ku goro katpak gusu en ashkannere wa en kore.

Iyohaichish 51:7

Hissop ani en ashkannere wa en kore, yakun, ku turu-sak kusu ne. En furaye wa en kore, yakun, upas kasu no ku retara kusu ne na.

Mattaios 16:22

Orowa, Petros anak ne Shinuma uk wa kosakayokara hine ene itak-hi :— Aerampokiwen wa akore, Utarapa, tap okaibe anak ne ara E epeka shomoki kusu ne na, sekoro itak.

Mattaios 21:29

Nei guru ese wa :— shomo ku oman, ari itat: orowa, okaketa shinuma yaikokatpak wa oman nisa ruwe ne.

Mattaios 26:33

Koroka, Petros ese wa Shinuma otta ene itak-hi :— Ainu obitta Aokai gusu aepetchiure yakka, kuani ramma pakno ne yakka shomo, ari itak.

Mattaios 26:35

Petros Shinuma otta ene itak-hi :— E tura no ku rai yakka E eshina shomoki kusu ne, ari ye. Moshima okai koikara utara ne yakka obitta nei no ye nisa ruwe ne na.

Yoannes 13:6

Awa, Simon Petros orota ek. Aige, Shinuma otta Petros ene itak-hi :— Utarapa, ku goro chikiri E furaye ya?

Yoannes 13:9

Orota Petros ene itak-hi :— Utarapa, ouse ku chikiri patek shomo ne, ku teke hemhem, ku sapa hemhem.

Yoannes 3:5

Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Apostoro ikip oma kambi 22:16

Aige, tane hemanda e ehuye ya? Hopuni wa baptisma akore hine Shinuma reihei konishuk, orowa, chikokatpak furaye wa isamka yan, ari itak.

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:23

Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.