Yoannes 13:5 - Ashiri Aeuitaknup Iyohaichish Yona 1897

⁵ Orowa no, tukibachi oro wakka omare wa koikara utara koro chikiri furaye hine ani akutkoro tekpiribap ani nei chikiri piruba heashi nisa ruwe ne.

Yoannes 13:5 ပူးပေါင်းရင်းမြစ်များ

Iyohaichish 51:2

Ku goro wen-buri gusu ara en furaye wa en kore, Ku goro katpak gusu en ashkannere wa en kore.

Roukos 7:38

Shinuma chikiri oshmaketa ash, orowa, chish hine koro nupe ani koro kemaha teineika wa koro sapa otop ani piruba heashi, aine, koro kemaha poron no chopchopsekara wa kashiketa shum ota nisa ruwe ne.

Roukos 7:44

Orowa, shiwentep orun hosari hine Simon otta ene itak-hi :— Aokai tan shiwentep nukara ruwe he an? Kuani e kot chisei orun ahun, awa, Ku chikiri furaye kuni wakka e En kore shomoki: koroka, tan shiwentep anak koro nupe ani Ku chikiri teineika wa koro otop ani piruba nisa ruwe ne.

Yoannes 13:10

Orota, Yesu ene itak-hi :— Sus okere guru anak ne ouse koro chikiri patek furaye yak pirika, netobake ebitta turu-sak ruwe ne gusu ne na, echi utara anak ne turu-sak ruwe ne, yakka, obitta turu-sak shomo ne ruwe ne, ari itak.

Yoannes 13:6

Awa, Simon Petros orota ek. Aige, Shinuma otta Petros ene itak-hi :— Utarapa, ku goro chikiri E furaye ya?

Yoannes 13:8

Orota Petros ene itak-hi :— Aokai anak ne oara ku chikiri furaye shomoki kusu ne, ari itak. Orota Yesu ene ese-hi :— Kuani e furaye ash shomoki yak anak ne En otta irenga e koro shomoki ruwe ne, sekoro itak.

Yoannes 19:34

yakka ibe op koro shine tumi-koro guru anak ne Shinuma koro ut eotke, aige, nani kem newa wakka anak ne oashin nisa ruwe ne.

Apostoro ikip oma kambi 22:16

Aige, tane hemanda e ehuye ya? Hopuni wa baptisma akore hine Shinuma reihei konishuk, orowa, chikokatpak furaye wa isamka yan, ari itak.

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

I Timoteos 5:10

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

I Yoannes 5:6

Wakka newa kem gusu ek gurʼanak, tambe anak ne Yesu Kiristo ne ruwe ne; ouse wakka gusu patek shomo ne, koroka, wakka gusu ne yakka kem gusu ne yakka an ap ne.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.