Yoannes 12:50 - Ashiri Aeuitaknup Iyohaichish Yona 1897

⁵⁰ Orowa, Shinuma ki ikashpaotte anak ne ramma okere shomoki ishu ambe ne sekoro Ku eraman: tambe gusu, orushpe Ku ye-hi anak Ku goro Michi En nure korachi nei ambe Ku ye ruwe ne.

Yoannes 12:50 ပူးပေါင်းရင်းမြစ်များ

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 5:19

Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Yoannes 8:28

Tambe gusu, Yesu ene itak-hi :— Echi utara anak ne Ainu Poho rikoshma okere chiki, nei ita anak Kuani Shinuma ne ruwe ne sekoro echi eraman, samata, Kuani anak ne yaikota regaine nep ne yakka Ku ki shomoki, koroka, Michi En epakashnu korachi Ku ye ruwe ne, ani echi eraman kusu ne na.

I Timoteos 1:16

Yakka, tapan ikkewehe an gusu a en erampokiwen wa akore ruwe ne, tewa no shiokere shomoki inotu aoma kuni ne Shinuma eishokoro utara epeka shiroshi ne gusu iyotta wenbe ne en otta Yesu Kiristo anak ne obitta no okai koro ramushiporore ambe nukare kuni gusu ne na.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.