Yoannes 12:49 - Ashiri Aeuitaknup Iyohaichish Yona 1897

⁴⁹ Inambe gusu ne yakun, Kuani yaikota orowa no Ku ye shomoki; koroka, En omande Michi anak Ku ye kuni orushpe, Ku sange kuni itak, En ikashpaotte nisa ruwe ne.

Yoannes 12:49 ပူးပေါင်းရင်းမြစ်များ

Yoannes 14:10

Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Yoannes 14:24

En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.

Yoannes 14:31

koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

Yoannes 15:15

Te wano usshiune utara ani an itak ani echi reikore ash shomo Ku ki; usshiune guru anak ne kon nishpa iki ambe erampeutek ruwe ne gusu ne na: koroka, katairotki utara ani Kuani echi reikore ash nisa ruwe ne; inambe gusu ne yakun, obitta Ku Michi orowa no Ku nu okaibe echi nure ash nisa ruwe ne gusu ne na.

Yoannes 17:8

inambe gusu ne yakun, Aokai En kore itak nei utara otta Ku kore nisa ruwe ne; orowa, nei utara nei itak uk, samata, son no newa, Kuani E orowa no ek shiri eraman, orowa, Aokai En omande nisa ruwe ne sekoro eishokon nisa ruwe ne na.

Yoannes 3:11

Son no, son no e otta Ku ye, chi utara anak ne aeramu ambe ye, orowa, yaikota nukarape gusu paweteshu ki ruwe ne, yakka, chi ye paweteshu-i echi nu shomoki ruwe ne.

Yoannes 3:32

Shinuma anak ne nu ambe gusu, nukarape gusu paweteshu ki; orowa, nen ne yakka nei ki paweteshu ambe nu shomoki ruwe ne.

Yoannes 5:19

Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Yoannes 7:16

Tambe gusu, Yesu nei utara ko-ese wa ene itak-hi :— Ku epakashnu epakashi anak ne Ku korobe shomo ne, En omandep korobe ne ruwe ne.

Yoannes 8:26

Echi utara gusu Ku ye hemhem ki, koipishi hemhem ki kuni inne ambe okai: koroka, En omandep anak ne sonep ne; orowa, Shinuma otta Ku nu okaibe moshiri otta Ku nure ruwe ne, ari itak.

Yoannes 8:28

Tambe gusu, Yesu ene itak-hi :— Echi utara anak ne Ainu Poho rikoshma okere chiki, nei ita anak Kuani Shinuma ne ruwe ne sekoro echi eraman, samata, Kuani anak ne yaikota regaine nep ne yakka Ku ki shomoki, koroka, Michi En epakashnu korachi Ku ye ruwe ne, ani echi eraman kusu ne na.

Yoannes 8:42

Orota Yesu ene itak-hi :— Kamui anak ne echi koro michi ne chiki, echi utara En omap kusu ne, Kuani anak ne Kamui orowa no ek wa Ku an ruwe ne gusu ne; yaikota rengaine Ku ek shomoki, Shinuma En omande nisa ruwe ne gusu ne na.

Ekambakbe 1:1

Naa iruka ne koro hetuku kusu ne, koro usshiune utara orun nukare kuni gusu, Shinuma orota Kamui koropare Yesu Kiristo koro ekambakbe: orowa, shinuma anak ne koro hauturumbe teshkara hine koro usshiune guru Yoannes eramande;