Yoannes 12:42 - Ashiri Aeuitaknup Iyohaichish Yona 1897

⁴² Yakka, esapane utara tumugeta okai inne utara anak Shinuma eishokon nisa ruwe ne; koroka, uwekarapa chisei orowa no iteki aemaka kuni ne Parisee un utara okai gusu eyaipushi shomoki ruwe ne;

Yoannes 12:42 ပူးပေါင်းရင်းမြစ်များ

Mattaios 10:32

Tambe gusu, nen ne yakka moshima guru tek-samta en eyaipushi wa ye guru an chiki Kuani ne yakka kando otta an Ku Michi tek-samta nei guru eyaipushi wa ye kusu ne.

Roukos 12:8

Orowa, echi otta Ku ye, nen ne yakka utara kotchaketa En eyaipushi guru an chiki Ainu Poho anak ne Kamui hauturumbe kotchaketa nei guru ne yakka eyaipushi kusu ne;

Roukos 23:13

Orowa, Pirato anak ne Kamui kora kenru esapane utara newa utara epungine utara uwekarapare wa orota ene itak-hi :—

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 11:45

Tambe gusu, Maria tura no araki Yudea un inne utara shinuma iki ambe nukara chiki, eishokon nisa ruwe ne.

Yoannes 12:11

shinuma gusu inne utara paye wa Yesu eishokon nisa ruwe ne gusu ne na.

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Yoannes 19:38

Tap orushpe okaketa Yudea un utara koishitoma gusu arorokishne no Yesu koikara guru ne Arimatea un Yosep anak ne Yesu koro kaisei koro wa oman kuni Pirato ekoramkon nisa ruwe ne: orowa, Pirato ramuoshma nisa ruwe ne. Tambe gusu, shinuma ek wa nei kaisei uk.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 7:13

Yakka, Yudea un utara ko-ishitoma gusu anu no Yesu orushpe ye guru isam ruwe ne.

Yoannes 7:31

Koroka, topaha utara un inne utara anak ne Shinuma eishokoro; aine, ene itak-hi :— Kiristo ek chiki tan guru ki shirosh kasu no naa innep ki kusu ne ruwe he an? ari itak.

Yoannes 9:22

Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na.

Yoannes 9:34

Nei utara ese wa shinuma otta ene itak-hi:— Eani anak ne oara katpak otta hekatu, awa, eani un epakashnu ya? Orowa no, shinuma emaka nisa ruwe ne na.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 10:10

eani kashi-a-obiuki kusu ne; inambe gusu ne yakun, aoupekare ambe gusu ainu anak ne keutum ani eishokoro; orowa, kashi-a-obiuki gusu paroho ani pushpusu wa ye ruwe ne gusu ne na.

I Yoannes 4:15

Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

I Yoannes 4:2

Tambe ani Kamui Ramat echi eraman: Yesu Kiristo anak ne kam otta ek na sekoro pushpusu nep ramat ne yakka Kamui orowa no an ambe ne: