Yoannes 12:23 - Ashiri Aeuitaknup Iyohaichish Yona 1897

²³ Orota Yesu ese wa ene itak-hi :— Ainu Poho anupekte kuni pakihi ek an ruwe ne.

Yoannes 12:23 ပူးပေါင်းရင်းမြစ်များ

Mattaios 25:31

Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne:

Mattaios 26:45

Orowa, Shinuma anak ne koro koikara utara otta ek wa orota ene itak-hi :— Tane mokoro wa echi shini yan: ingarʼan, pakihi ehange no an ruwe ne, Ainu Poho anak ne katpak koro utara tekehe, otta aekoshi wa an ruwe ne.

Markos 14:35

Orowa, Shinuma pon no hoshiki no oman wa shirikata hachiri, aige, aeashkai yak anak ne nei pakihi Shinuma orowa no hechaka kuni inonno-itak nisa ruwe ne.

Markos 14:41

Orowa, Shinuma re shuine orota ek wa ene itak-hi :— Tane echi mokoro wa shini yan; pakno ne; pakihi ek wa an; ingara, Ainu Poho anak ne katpak koro utara koro teke otta aekoshi ruwe ne.

Yoannes 12:16

Koro koikara, utara anak ne atpaketa tap okaibe erampeutek: koroka, Yesu anak anupekte okaketa, nei ita anak ne tap okaibe Shinuma gusu chieshinnuye wa an shiri, samata, tap okaibe Yesu gusu iki nisa ruwe ne shiri, eshkarun nisa ruwe ne na.

Yoannes 12:27

Tane Ku ramat anak ne chiukopoye ruwe ne: Hemanda Ku ye kusu ne ya? Michi, tan pakihi En ohaitare wa En kore. Koroka, tambe gusu tan pakihi pakno Ku an.

Yoannes 13:1

Nei Kamakush marapto etokota moshiri hoppa wa Michi orun oman kuni pakihi ek an shiri Yesu eraman, aige, moshiri otta okai yaikota korobe omap wa okese pakno omap nisa ruwe ne.

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.