Yoannes 12:13 - Ashiri Aeuitaknup Iyohaichish Yona 1897

¹³ shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.

Yoannes 12:13 ပူးပေါင်းရင်းမြစ်များ

Mattaios 23:39

Echi otta Ku ye, Utarapa reihei ani ek gurʼanak ne anunuke ne ari an itak ani echi ye pakno echi En nukara shomoki kusu ne gusu ne na.

Mattaios 27:42

Shinuma anak ne moshima utara kashiobiuki nisa, koroka, yaikota yaikaobiuki eaikapbe ne ruwe ne. Israeru un utara esapane guru ne; tane utasa chikuni orowa no ran, yak anak ne Shinuma gusu chi eishokoro ash kusu ne na.

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 12:14

Orowa, Yesu pon roba pa chiki kata o nisa ruwe ne; —

Yoannes 12:15

Zion matnepo iteki ishitoma yan, ingara, Aokai gusu an Moshiri shikkashima guru anak ne roba po kata o wa ek ruwe ne, chieshinnuye wa an korachi ne na.

Yoannes 19:15

Tambe gusu, nei utara hawe ashte wa ene itak-hi :— Oyake un omande, oyake un omande, Utasa chikuni otta kungi kokikkik yan, sekoro itak. Orota Pirato ene itak-hi :— Echi koro Moshiri shikkashima guru utasa chikuni otta akokikkikte kusu ne ya? ani itak. Nei Kamui kora kenru esapane utara ene ese-hi :— Kaisaros moshima un otta Moshiri shikkashima guru isam ruwe ne, ani itak.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 19:16

Koro mipihi newa koro om kata shine reihei chieshinnuye wa an, — moshiri shikkashima utara koro shikkashima guru, utarapa utara koro Utarapa, ne ruwe ne.

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;