Yoannes 11:47 - Ashiri Aeuitaknup Iyohaichish Yona 1897

⁴⁷ Tambe gusu, Kamui kora kenru poro esapane utara newa Parisee un utara ukoramkoro wa ene itak-hi :— Nekon a chi ki ya? tan guru poron no okai shirosh ki ruwe ne gusu ne na.

Yoannes 11:47 ပူးပေါင်းရင်းမြစ်များ

Mattaios 26:3

Nei pakibita Kamui kora kenru esapane utara newa utara koro ekashi utara anak ne Kaiapa ari an reihei ani areikore Kamui kora kenru iyotta pase esapane guru koro tumbu ta uwekarapa wa okai ruwe ne,

Mattaios 5:22

koroka, Kuani echi otta Ku ye, nen ne yakka koro iriwak gusu irushka gurʼanak ne aeyaikikip no akoipishi kusu ne: orowa, nen ne yakka toi o iriwak Raka ani porose gurʼanak ne ukoramkoro ki utara gusu aeyaikikip no an kusu ne ruwe ne: orowa, nen ne yakka More ani porose gurʼanak ne abe oma Gehenna gusu aeyaikikip no an ruwe ne kusu ne na.

Markos 14:1

Tut ko okaketa Kamakush marapto, Pandane sak pan marapto an; orowa, Kamui kora kenru esapane utara newa, Kambi-nuye utara anak ne nuina no Shinuma kishima wa raige kuni hunara ruwe ne:

Roukos 22:2

Aige, Kamui kora kenru esapane utara hemhem, kambi-nuye utara hemhem hemanda Shinuma raige ika hunara wa okai; awa, utara koishitoma nisa ruwe ne.

Yoannes 11:57

Orowa no, Kamui kora kenru esapane utara newa Parisee un utara anak ne, nen ne kuru ka Shinuma an i eraman guru an yakun, akishima kuni ne orota nure, ani ikashpaotte nisa ruwe ne na.

Yoannes 12:19

Tambe gusu, Parisee un utara anak ne utashpa ene uweitak-hi :— Echi utara nep ne yakka ki okaibe raka isambe shiri ingara yan; ingarʼan, moshirʼebitta nei osh paye nisa ruwe ne, ari itak.

Yoannes 2:11

Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.

Yoannes 6:2

Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.

Yoannes 7:32

Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

Yoannes 7:45

Tambe gusu, nei auitek utara anak ne Kamui kora kenru esapane utara newa Parisee un utara orota araki: awa, nei utara anak ne auitek utara otta, Hemanda gusu Shinuma ani wa araki shomoki ya? ari itak.

Apostoro ikip oma kambi 5:21

Orowa, nei utara tap ambe nu chiki, kunne-nisat pakita Kamui kora kenru ta ahup wa epakashnu nisa ruwe ne. Koroka, Kamui kora kenru iyotta pase esapane guru anak ne tura no okai utara tura ek, aige, ukoramkoro kuni utara newa Israeru un utara koro tono utara uwekarapare, awa, nei utara atak gusu ipakashnu chisei ta teshkara nisa ruwe ne.

Apostoro ikip oma kambi 5:24

Kamui kora kenru epungine tono newa nei kenru esapane iyotta pase utara tap orushpe nu chiki, hunak wa hetuku an orushpe ne ya? sekorʼokaibe gusu shi no utumotne nisa ruwe ne.