Yoannes 11:26 - Ashiri Aeuitaknup Iyohaichish Yona 1897

²⁶ samata, nen ne yakka ishu wa En eishokoro guru anak ne hembara pakno ne yakka rai shomoki ruwe ne.

Yoannes 11:26 ပူးပေါင်းရင်းမြစ်များ

Mattaios 26:53

Ku Michi otta Ku koramkoro yakun, tane Shinuma En otta tu ikashima wan Regeon pakno an hauturunbe ette shomoki kuni echi ramu ya?

Mattaios 9:28

Orowa, Shinuma chisei orun ahun chiki, nei shiknak utara Shinuma orota araki: awa, Yesu nei utara otta ene itak-hi :— Kuani tap ambe Ku kara eashkai ani echi eishokoro ya? ari itak; orota nei utara, Utarapa, ruwe un, ani ese wa ye ruwe ne.

Markos 9:23

Orota Yesu ene itak-hi :— Ki eashkai! Eishokoro guru otta anak ne nep ne yakka an eashkaibe ne.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 14:10

Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:47

Son no son no echi otta Ku ye :— Eishokoro gurʼanak ne ramma okere shomoki inotu koro shiri an na.

Yoannes 9:35

Shinuma aemaka wa an orushpe Yesu nu; orowa, ipa wa nukara chiki otta ene itak-hi :— Eani anak ne Kamui Poho eishokon ruwe he an?

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.