Yoannes 10:6 - Ashiri Aeuitaknup Iyohaichish Yona 1897

⁶ Yesu tan itak-maukushte-itak utara otta ye: koroka, orota Shinuma ye orushpe ibehe nei utara erampeutek nisa ruwe ne na.

Yoannes 10:6 ပူးပေါင်းရင်းမြစ်များ

Iyohaichish 106:7

Chikoro ekashi anak ne Echipt moshiri ta E ki iyokunnurep eraman shomoki; E sange inne no okai rampoken eshkarun shomoki; Koroka atui samta, nei Kokai atui samta okbare ki nisa ruwe ne.

Iyohaichish 82:5

Nei utara erampeutek, ramepakari ka shomoki; Kunne-i otta ekeshinne no apkash: Toitoi koro obitta no okai asama shimoye ruwe ne na.

Mattaios 13:34

Tan orushpe obitta Yesu itak-maukushte-itak ani nei inne topaha utara otta ye wa nure nisa ruwe ne, aige, itak-maukushte-itak isam no nep ne yakka utara otta ye shomoki:

Mattaios 13:51

Echi utara anak ne tan okai orushpe obitta eramʼan ruwe he an? Orota, chi eramʼan ruwe ne ari nei utara ye ruwe ne.

Markos 4:34

itak-maukushte-itak isam no otta Shinuma ye shomoki: koroka, yaiikiri no okai ita koro koikara utara otta obitta pita nisa ruwe ne na.

Yoannes 16:25

Itak-maukushte-itak ani tap okaibe echi otta Ku ye nisa: itak-maukushte-itak Ku eiwange shomoki no, koroka, anu no Michi orushpe echi nure ash pakihi ek ruwe ne.

Yoannes 16:29

Orota koikara utara ene itak-hi :— Tane anak Aokai anak ne itak-maukushte-itak ani ye shomoki no, anu no E ye ruwe ne.

Yoannes 6:52

Tambe gusu, Yudea un utara anak ne utashpa etushmak wa ene itak-hi :— Hemanda iki wa tan guru anak ne koro kam ani un ere eashkai ya?

Yoannes 6:60

Tambe gusu, koro koikara utara un inne utara nei orushpe nu chiki ene itak-hi :— Tambe anak ne hokamba itak ne; nu eashkai guru nen ne ruwe he an? ari itak.

Yoannes 7:36

Echi utara En hunara wa shomo En nukara: orowa, Ku an ushike un echi araki eaikap, sekorʼan Shinuma ye tan itak anak ne nekon a an itak ne ya? ari itak.

Yoannes 8:27

Michi epeka no Shinuma ye shiri an sekoro nei utara ramepakari shomoki nisa ruwe ne na.

Yoannes 8:43

Nep gusu Ku yepi shomo echi onnere ya? Ku ye itak echi nu eaikap

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

II Petros 2:22

Nei utara gusu nei son no an itak-maukushtep korachi an na:— Seta anak ne yaikota sange eatup orun hosari, afuraye okere matne buta anak yachi oshiketa yaikirukiru gusu hosari ruwe tapan na.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.