Yoannes 10:4 - Ashiri Aeuitaknup Iyohaichish Yona 1897

⁴ Shinuma anak ne obitta no yaikota korobe soyumbare chiki, nei kotchaketa oman wa hitsuji nei osh paye ruwe ne: koro hawe kiri ruwe ne gusu ne na.

Yoannes 10:4 ပူးပေါင်းရင်းမြစ်များ

Mattaios 16:24

Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan.

Yoannes 10:16

ruwe ne. Tan hitsuji topaha gusu an ekashi shomo tura an moshima okai hitsuji Ku koro: nei ambe ne yakka Ku ani kusu ne ap, orowa, nei ambe Ku hawe nu kusu ne na; aige, shine topaha, shine reshpa guru an kusu ne na.

Yoannes 10:27

Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Yoannes 10:3

Apa pungi Shinuma gusu apa maka; orowa, hitsuji anak ne Shinuma koro hawe nu: samata, Shinuma yaikota koro hitsuji areikore an reihei ani hotuyekara wa soyumba wa tura ruwe ne.

Yoannes 10:5

Nei hitsuji anak ne oya guru oshi paye shomoki, koroka, orowa no kira ruwe ne: oya utara koro hawe kiri shomoki ruwe ne gusu ne na.

Yoannes 10:8

En etokota araki obitta no okai utara anak ne ikka utara ne, niwen no iki ikka utara ne: koroka, hitsuji anak ne nei utara ko-nu shomoki nisa ruwe ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Yoannes 13:15

Inambe gusu ne yakun, echi utara gusu Ku kara korachi echi utara ne yakka kara kuni ne epakashi echi kore ash na.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 3:29

Tane machi ne kusu ne shiwentep koro ainu auak mat-ahupkara guru ne; koroka mat-ahupkara guru koro ikatairotke utara okai wa nei mat-ahupkara guru hawe nu gusu shi no yaikopuntek ruwe ne: tambe gusu, ku yaikopuntek ambe anak ne auweomare no an ruwe ne.

I Korintos 11:1

Kuani anak ne Kiristo ikoisamba korachi echi utara ne yakka en ikoisamba yan.

Epesos 5:1

Tambe gusu, aomap an poho utara nei no Kamui eikosamba utara ne yan; orowa, omap ki wa apkash,

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 6:20

Yesu anak ne Merukizedek ikiri nei no an korachi otusashuishiri pakno an Kamui otta yaishieiwangere iyotta pase guru ne akara wa chi utara gusu nei oshike un ahun nisa ruwe ne na.

I Petros 2:21

Tambe gusu, echi anishuk nisa ruwe ne; inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne:

I Petros 4:1

Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

I Petros 5:3

shui, echi epungine kuni gusu akorep enishpane shomo ne, koroka, nei topaha gusu aekoikarape gusu yaikara yan.