Yoannes 10:20 - Ashiri Aeuitaknup Iyohaichish Yona 1897

²⁰ Shinuma anak ne nitne kamui shikatkare wa chiitasare an; Nep gusu Shinuma otta echi nu ya? ani an itak ani inne utara ye ruwe ne.

Yoannes 10:20 ပူးပေါင်းရင်းမြစ်များ

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 11:18

Inambe gusu ne yakun, Yoannes anak ne ibe shomoki iku shomoki no ek, aige, nei guru nitne kamui shikatkari ruwe ne, — ani utara ye ruwe ne.

Mattaios 9:34

Koroka, Parisee un utara anak ne, Shinuma nitne kamui esapanep ani nitne kamui oashinge ruwe ne na, sekoro itak.

Markos 3:21

Aige, Shinuma koro uiriwak utara anak nei orushpe nu chiki, — Shinuma chiitasare ruwe ne, ari itak koro kishima kuni ne soyumba.

Yoannes 7:20

Inne utara ene ese-hi :— Eani anak ne nitne kamui ashikatkare an E raige kuni hunara guru nen ne ruwe he an?

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Apostoro ikip oma kambi 26:24

Orowa, tap korachi shinuma yaikikkara itak sange rapoketa, Festos anak ne rui hawe ani ene itak-hi :— Pauros, eani anak ne chiitasare wa an na; poron no eramush gusu achiitasarere ruwe ne.